Kombîyayîşê ewroyênî yê Parlementoyê Herêma Kurdistanî de hêrişê qirkerdiş û îşxalkarîye yê dewleta Tirkî yê hemverê Başûrê Kurdistanî ameyî şermezarkerdene. Sereka parlementoyî Dr. Vale Ferîde veng da hukmatê Iraqî ke wezîfeyê xo bica bîyaro.
Parlementoyê Herêma Kurdistanî ewro kombîyayîşê xo yo alelade viraşt. Destpêkê roniştişê parlementoyî de, sereka Parlementoyê Herêma Kurdistanî Dr. Vale Ferîde serê nameyê pêroyîya parlementeran de bombardûmankerdişî yê dewleta Tirkî yê serê Başûrê Kurdistanî şermezar kerdî.
Sereka Parlementoyî veng da hukmatê Iraqî ke wezîfeyê xo bîyaro ca û vat, "Hukmatê Iraqî û heme sazîyê qanûnîyî yê hukmatê federalî yê Iraqî goreyê qanûnê Komara Iraqî yê serra 2005'î pawitişê sînorî milê înan de yo. Umîdwar a ke ê do wezîfeyê xo bîyarê ca û pawitişê sivîlanê herême bica bîyaro. Heman wextî de tezmînatê mexdûranê ê herêman bêro dayene."
27'ê Hezîran de teyareyanê şerî yê dewleta Tirkî Koyê Kortekî yê Qendîlî de di wesayîtê sivîlan bombarduman kerdîbî û netîce de 3 sivîlî şehîd bîyî û 5 kesî zî birîndar bîyî.
