Operasyon û hêrişê îşxalî yê dewleta Tirkî ê hemverê Başûrê Kurdistanî dewam kenê.

Goreyê xebera Ajansê Mezopotamya seba operasyonî wareyêkê hîrayî de bêrê rayraberdene herêmanê Zaxo, Duhok, Amedîye û Bradost de PDK û MÎT 4 merkezê xebate yê hemparî awan kerdê. Çimeyêk ke nêwaşt nameyê xo eşkera bikero pêhesna ke heme yewîyê MÎT’î û PDK’yî bi hawayêkê koordînekerdeyî ê merkezan de xebetênê, karanê ajanîye, keşif û plane hêrişî amade kenê.

Ame pêhesîyayene ke nê merkezan ra yew Koyê Pirefatî yê mabênê Barzan û Balekayetî de yo û xebatê leşkerîyî yenê kerdene. Merkezo dîyin vernîya tunelê mabênê Zaxo û Duhokî de yo û xebatê ajanîye ûca yenê rayraberdene û ceh yeno kerdene ke cayanê PKk’yijan tespît bikerê. Merkezê Şeranişî yê Zaxoyî de zî karê provokekerdişê şarî yê hemverê PKK’yî yeno kerdene.