PDK wezano ke wa şar vera îşxalkaran nê vera PKK’yî hurzo lingan ser

Ame  zanayene ke PDK yo ke bi dewleta Tirkî hemkarîye keno na rey zî seba ke şarê herême û PKK’yî  bîyaro vera yewbînî xebityeno.

Goreyê xebera RojNewsî endamanê Fraksîyonê PDK’yî yê Parlamentoyê Herêma Kurdistanî ra grûbêk roja Şemeyî saetanê serê sibayî de herêma Bradostî zîyaret kerd.

Ame vatene ke grûbe bi îdarekaranê Sîdekanî û şarê herême kombîyayîş viraşt. Heyetê PDK’yî şarî ra waşt ke wa vera PKK û hêzanê Rojakewtena Kurdistanî  tewir bigêro û çalakî virazo.

Goreyê xebara ke çimeyanê cayîyayan ra ameya girewtene parlamenteranê PDK’yî vat bi sebebo ke PKK û hêzê Rojakewtene herême de yê Tirkîya û Îran herême bombardûman kenê.

Demo ke şarê Bradostî seba ke hêrişê îşxalî yê dewleta Tirkî proteso bikero, amadeyîye keno de, nê kerdişê PDK’yî bale ante xoser.

Şarê herême waştbi ke roja Îneyî dimayê nimajê Îneyî vera îşxalê dewleta Tirkî  çalakîyêk virazo la îdarekaranê herême destûr nêdabi. PDK şarî ra wazeno ke vera îşxalê Tirkîya nê vera PKK'yî tewir bigêro.

Parlamenterê PDK’yî Erşed Hîsên Lolanî 1’ê Hezîran a 2018’î de dewa Bermîze de bi xo eskerê îşxalkarî yê dewleta Tirkî pêşwazî kerdîbî û dewe ra çarnayîbî. Lolanî dima ra 30’ Êlule de weçînitişê parlamentoyî de bibê parlamenterê PDK’yî.