Çalakîya Mertalê Gandarî  ya ke hetê Têgêrayîşê Şorişgêrî yê Ciwanan ra vera hêrişê îşxalkerdişê dewleta Tirkî yê vera Başûrê Kurdistanî 14’ê Hezîrane de ameye destpêkerdene rê paştdayîşî zêdîyene.

Dimayê Kerkûk, Silemanî, Qerehencîr, Bazyan, Şarbajêr û Ranya pêşmergeyanê Dêrinî zî çalakgerê Mertalê Gandarî zîyaret kerdî û paştî daye înan. Pêşmergeyî Binarê Qendîlî de hetê endamê Konseya Rayberdişî yê KCK’yî Dîyar Xerîbî ra ameyî pêşwazîkerdene.Dîyar Xerîbo ke dimayê pêwazîkerdişî qisey kerd bale ante ke vera Başûrê Kurdistanî hêrişê îşxalî yo cîddî esto û waşt ke şarê Kurdî vera naye tewirê xo eşkera ramojno. Bi nameyê pêşmergeyanê Dêrînî  Hewrê Derya zî  vera bêvengîya hukmetê Herêma Kurdîstanî reaksîyon daye û vat ma sey tim ewro zî vera îşxalî bêveng nêmanê û kiştê gerîlayan de ca gênê.