Reaksîyonê şarê Başûrê Kurdistanî yê vera hêrişanê îşxalkarîye yê dewleta Tirkî yê Xakurkê zêde benê. Pêşmergeyanê Dêrînî vera îşxalkarîye kewtî mîyanê têgêrayîşî.

Grubêk pêşmergeyanê Dêrînî ra seba ke reaksîyon bidê hêrişanê îşxalkarîye û bêvengîya hukmatê Başûrî, bi kincanê pêşmergeyanê xo şîyî Qendîl û eşkerayîyêk daye çapemenîye.  Pêşmergeyan da zanayene ke vera îşxalkarîye ê gerîlayan reyde yê û waşt, hukmat cade bêvengîya xo caverdo û vera îşxalkarîye tewirê bigêro.

Ma gerîlayan reyde yê

Bi nameyê pêşmergeyanê Dêrînî Hewkar Kawayî eşkerayîye daye û vat, “Dewleta Tirkî erdê Başûrê Kurdistanî îşxal kena. Hukmatê herême zî hemverê îşxalkerdişî de bêveng o. Ma vengdayîş hukmatî rê kenê ke veranê cehdkerdişê îşxalkarîye û çinkerdişî vejîyo. Ma pêşmergeyê Dêrînî, vera na îşxalkarîye do bêveng nêmanê û ma danê zanayene ke ma waye û birayan ê xo gerîlayan reyde yê.” Pêşmergeyê Dêrînî şîyî serdana ciwananê mertalanê gandaran û vat, “Ma çalakîya şima pîroz vînenê û paştdayîş danê şima.”