Roniştoxanê Hewlêrî derheqê krîzê ekonomîkî û tesîranê ci de ANFyî rê qisey kerd.

Tehsîn  Omerî ard ziwan ke krîz û sîyasetê herême raşta raşte tesîrê bazarî kenê û vat: ''Krîzê pîlî yê herême tewr zaf tesîrê bazarî kerdo. Seba ke erjê dolarî zêdîyeno bazar zî vay beno. Ma hukmatî ra wazenê ke çimdarîya bazarî bikero. Seba ke meaşî nêdîyenê no tesîrê bazarî zî keno. Petrol, gazo xozayî, benzîn giran o. Hukmat seba ney çareyêke peyda bikero baş beno. Şar zaf feqîr bîyo.''

Hemwelatîyê bi nameyê Xidir Husên Hemzî zî qala feqîrîye û vaybîyayîşî kerde û vat: ''Rewza bazarî zaf xirab a, şar feqîr o. Her warî de cuye aloz bîya. Ceyran vay o, petrol çin o.''

Husên Qadirî zî bale ante polîtîkayanê xiraban ê hukmatî ser û vat: ''Rewşa bazarî zaf xirab a. Îqtîdar nêverdeno çîyêk bikewo destê şarî. Bacê her çîyî zaf ê. Welatê ma de petrolî ra zaf çîyêk çin o. La heta nika ma rê petrol bi hawayêkê sîstematîkî nêame vilakerdene.''