Komîteya Rayberdişî ya PKKyî, bi wesîleya serrgêra Komployê Mîyanneteweyî yê 15ê Sibate yê vera Rayberê Şarê Kurdî Abdullah Ocalanî eşkerayîya nuştekîye weşanaye.

Komîte eşkerayîye de behsê erdlerzê Mereşî zî kerd û vat, ‘‘Ma serrgêra Komployê 15ê Sibate binê tesîrê erdlerzê Mereşî de vîyarnenê. Hetêkî ra ma hewl danê ke birînanê şarê xo bipêşê û hetê bînî ra zî ma seferber benê ke serrgêra 25ine de zorê Komployê Mîyanneteweyî berê. Ma dejê her di felaketan zi zerrîya xo de kirişenê û bi nê dejan mucadeleya xo ya azadî raver benê.’’

Komîte eşkerayîye de nê çîyî vatî:

Na çarçewe de ma dejê şarê xo zerrîya xo de hîs kenê û seba şaranê Tirkîya û Sûrîye serweşîye wazenê. Ma serrgêra 24ine ya Komployê 15ê Sibate şermizar kenê û ma xoverdayîşê îmraliyî silam kenê. Ma şexsê hemrayan Halît Oral û Aynure Artan înan ke têkoşînê ‘Şima Nêeşkenê Rojê Ma Tarî Bikerê’ da destpêkerdene ke dormeyê Rayber Apoyî de barîkato adirin naro, ma heme şehîdanê xo yê qehremanan ê nê têkoşînê fedayîyî bi hurmet yad kenê. Êyê ke vera komployî mucadeyê azadîye û demokrasîyî rayra benê, ma nînan ra serkewtiş wazenê. Ma do dêsanê tecrîd û qirkerdişî bikerê leteleware û Rayber Apoyî biresne azadîya ci ya fîzîkîye.

24 serrî yo ma hemverê hêrîşan de xover danê

Ma zaf rind zanê ke,  Komployê Mîyanneteweyî yo ke 9ê teşrîna verên a 1998î de  dîya destpêkedene, amancê ci îmhakerdişê Rayber Apoyî û tesfîyekerdişê PKKyî bi ke qirkerdişê vera kurdan bêro temamkerdene. No hêrişê sîstemê modernîteya kapîtalîstî bi ke serkêşîya Amerîka, Îngîlîstan û Îsraîlî de ame kerdene. Ame waştene ke şexsê Rayber Apoyî de estbîyayîşê kurdan û Têgêrayîşê Azadîye yê Kurdîstanî bêro îmhakerdene û kurdî bêrê qirkerdene. Xora mabênê Rayber Apo û nê hêzan yewna problem çînêbi. No komplo cara semedê qirkerdişê kurdan ame kerdene. Ma hêvî kenê hêzê komplogerî dekewtiş serra 25. de sîyasetê xo yê qirkerdişî yê vera kurdan newe ra çiman ra ravêrnenê û ziraro ke dayo kurdan telafî kenê.

Eşkerayo ke Komployê 9ê Teşrîna Verêne, planê îmhakerdişî bi ke  hetê Rayber Apoyî ra ame betalkerdene. Seba ke planê înan ser nêkewt, hêzanê Kompoloyê Mîyanneteweyî têdima planî ceribnayî û bi komployê 15ê Sibate waşt ke Rayber Apoyî darde bikerê. Wexto ke no plan zî ame betalkerdene, na rey zî wazenê ke bi tecrîd û îşkence, polîtîkayanê ey puç bikerê. No 24 serrî yo ke na polîtîka wina dewam kena. Amanco ke hukmatê Ecevîtî nêeşkîya bikero nika bi hukmatê Erdoganî wazenê bikerê. Wazenê nê tecrîdî çar parçeyê Kurdistanî ra, şaranê Tirkîya mîyan de, cinî û ciwanan mîyan de vila bikerê û PKK û gerîlayan îmha bikerê.

24 serrî yo ke ma hemverê nê hêrîşanê faşîst û îşxalkeran de xover danê. Nê xoverdayîşî kerd ke şar birêxistin bibo, û mucadeleyê azadî yê şarê kurd pêroyê dinya de da naskerdene. Xoverdayîşê gerîlayanê kurdî û Şorişê Azadî yê Rojawanî seba pêroyê şaranê bindestan bî hêvîyêk.

Mîmarê xoverdayîşî Rayber Abdullah Ocalan o

Bêguman mîmar û afirnayoxê nê xoverdayîşî û Rayber Abdullah Ocalan o. Şorişo ke Rayber Apoyî kerd û felsefeyê ey, oyo ke mîyanê şarî de vila bî, seba heme şaranê bindestan rayîr akerd ke şar xover bido û xo bixelisno. Êdî Rayber Apo heme şaran rê rayberîye keno û bîyo serokê heme bindestan. Bi şîarê ‘Jin, Jiyan, Azadî’ çar parçeyê Kurdîstan û dinya ra vila bî. Bi no hewa dîyar o ke amancê hêrîşê komployî nêresayî hedefê xo.

Bêguman paştîdayîşo tewr pîl gerîlayanê ma yê qehremanan da Rayber Apoyî. Bi serran o bi des hezaran şehîdan mucadeleyo fedaîyî ame dayene. Bitaybet nê serranê peyênan de Herêmanê Pawitişî yê Medya de mucadeyo xurt est o. Tewyr peynî herêman Zap, Avaşîn û Metîna de vera faşîzmê AKP-MHPyî mucadeleyo tarîxî ame dayene. Nê xoverdayîşî hêrişê îşxalkeran şikitî û reyna heme planê komployî betal kerdî. Mucadeleyê cinîyan û şorişê azadîye  ke bi şîarê  ‘Jin Jîyan Azadi’  çar parçeyê Kurdîstan û heme Rojhelatê Mîyanênî û dinya ra vila bîyo, paştî dano xoverdayîşê gerîlayan. Nê mucadeleyî yew bi yew plananê komplogeran xeribpnayî.

Faşîzmê AKP-MHPyî resa peynîya rayîrî 

Faşîzmê AKP-MHPyî wazeno ke bi hêrîş û îşkenceyanê dîktatorîya xo dewam bikero. Heta bi na felaketa erdlerzî zî wazeno ney bikero. La peynîya înan û Komployê Mîyannetewî ameya. Serra 25ine yê komployî de do peynîya înan bêra. Ne hêzê NATO û Rûsya ne zî paştîdayîşê PDKyî nêeşkeno înan bixelisno. Ma Komployê Mîyanneteweyî reyna lanet kenê û şehîdanê xo yê qehremana yê xoverdayîşê vera komployî bihurmet yad kenê. Ma venga şarê xo danê ke, ma serrgêra 25ine ya komployî de seba azadîya fîzîkîye ya Rayber Apoyî bixebitîyê û ma na serre bikerê serra şorişê azadî.''