Kampanyaya ke seba ke PKK lîsteya terorî ra bêro vetene yena kerdene dewam kena. Temsîlkara Zerdeştîyan a Hukmatê Herêma Kurdîstanî Awate Hîsamedîn derheqê babete de ANFyî rê qisey kerd.

Awate pare kerd ke ê paştî dana kampanyaya vera qedexeyê serê PKKyî û da zanayene ke PKK qetî nêbîyo rêxistinêka terorî.

Awate vat: ''Dewleta tirke vera PKK sey bahane mojnena û hêrişan kena. Bi nê bahane aye bi hezaran dewî talan kerdî, ziwan û kulturê kurdan qedexe kerd. PKK bahaneya Tirkîya ya, hedefê ci yo esas şarê kurdî yo. Dewletanê Ewropa waştişê Tirkîya ser o PKK kerd mîyanê na lîste. La raştîyêka winasêne esta ke PKK qetî nêbîyo rêxistinêka terorî. Ma qebul nêkenê ke rayberê 60 mîlyon kurdan Serek Apo zîndan de bibo.''

Awate ard ziwan ke ê do Başûr de paştî bidê kampanya û vat: ''Modelê têkoşînî yê PKKyî de cinîyî zî ca gênê û nê cinîyî camêrdî çi kar kenê eşkenê bikerê. Cinîyî zî çekan gênê û welatê xo pawenê. Cinîyê kurdî rayberîya cinîyanê dinya kenê. Coka ganî ma paştî bidê na kampanya.''