Komîteya Rayberdişî ya PKKyî bi wesîleya 1ê Gulane sîteyê xo yê înternetî de eşkerayîyêke daye û nê pare kerdî:

''Têgêrayîşê Azadîye yê Kurdîstanî û şarê kurdî amadeyîya roja paştdayîş û têkoşînî ya sinifê karkaran kedêne ke artêşa tirke ya îşxalkere 17ê nîsane de vera Zap û Avaşînî hêrişê îşxalî da destpêkerdene. Bêşik no hêriş ma pawetenê. Gerîlayanê ma yê qehremana hela verêna ra cade derbeyê pîlî dayî hêzanê îşxalkeran ro.

Gerîlayê Zapî ke 2018 karîzmaya fermandarîya ya Yaşar Buyukanit û Ilker Başbugi xez kerd nika zî do faşîzmî Erdogan û Bahçelîyî birijnê. Eşkerayo ke no hêrişo peyên ê îqtîdarê faşîstî yê AKP-MHPyî yo. Serkewtişê diyînî yê gerîlayan badê 14 serran do peynîya îqtîdarî bîyaro. Na çarçewe de ma gerîlayanê HPG û YJA Starî yê ke bi têkoşînê xo tarîx nusenê ma înan selam kenê û şehîdanê xo yê qehremanan bihurmet yad kenê. Nê şerê estbîyayîş azadîye  ke rayra benê de ma înan rê serkewtiş wazenê.

Eşkerayo ke sey têgêrayîş û şarî ma yew şerê şorişgêrî de yê ke do qederê ma bewlî bikero. 1ê Gulane zî ma rewşa winayênî ciwîyenê. Xora pê Rayber Apo û PKKyî heme 1ê Gulane wina ciwîyayî. No 1ê Gulane ganî bibo serpilikê înan. Hemleya têkoşîn û azadîye ke 8ê Adare de dest pêkerde û  Newroze de pîlêr bîye do bibo hemleya tewr pîle ya  tarîxî.  Na çarçewe de sere de Rayber Apo wa 1ê Gulane heme hemrayanê têkoşeran dostanê şorişgêr û demokratan û heme kedkar û karkeran rê pîroz bo. Şexsê şehîdanê 1ê Gulan a 1977î û şehîdanê Zap û Avaşînî de ma heme şehîdanê azadîye bihurmet yad kenê. Ma soz danê ke ma do waştişê şehîdan bîyarê ca.

Şarê ma yo welatperwer û dostê ma yê şorişgêr û demokratîkî!

Faşîzmê AKP-MHPyî pê heme îmkananê Tirkîya semedê tesfîyekerdişê PKKyî yew hêrişo newe da destpêkerdene. Şeş serrî yo parçe parçe hêrişê îşxal û qirkerdişî yeno kerdene. No hêrişo tewr pîl o û heme şaranê herême û merdimîye eleqedar keno. Waştişê înan oyo ke verî PKKyî werte ra wedarê dima ra sere de PDK hêrişê rêxistina kurdan ê bînan bikerê. Ê qirkerdişê kurdan wazenê. Eke ser bikewê noyê  ereban do bêro. Xora ma no hêriş pawitene. Coka ma pê stratejîya şerê şarê şorişgêrî têkoşînê topyekunî rayra benê. Heta parçekerdişê dêsanê tecrîdê Imraliyî ma do xeta fedayîya Apoyîye de têkoşîn bikerê.

Şer têna Zap û Avaşîn de nê heme Kurdsîtan  û Tirkîya de yo. Ma her hetê Tirkîya ra vila bikerê. Reyna şer têna wezîfeyê gerîlayan nîyo, ganî ciwan û cînî û heme kurdê  welatperwerî û dostê ci wezîfeyê xo bîyarê ca. Ganî vera PDKyî yo ke qoricîye keno tewir bêro girewtene. Îdareyê PDKyî  hemkarîya tarîxê yo tewr pîle keno. Vera gerîlayan leşkeranê tirkan paweno. Hetê bînî ra heme asayîşê xo besteno artêşa tikre ya îşxalkere. Tewirê partîyanê bînan zî qîm nêkenê. Eke dişmen Zap û Avaşîn de bin bikawo do Anqara de birijîyo. Coka ganî vera hêrişê îşxalî heme hetê demokratî yê Tirkîya vengê xo vejê. Hema ke erey nêbîyo wa her kes paştî bidê kurdan û têkoşînê PKKyî.

Pîya bi hêrişê vera Zap û Avaşînî hukmatê Iraqî zî hêrişê Şingalî kerd.  Bi nê hêrişî eşkera bi ke ê hukmatê Iraqî zî sey PDKyî paştî dano hêrişê îşxalî yê dewleta tirke. Ma polîtîkaya hukmatê Iraqî yê vera Mexmûr û Şingalî şermezar kenê. Hêzê ma esto ke ma faşîzmê AKP-MHPyî bin bifînê. Ganî ma sey PKK şarê kurd û şaranê Rojhilatê Mîyanênî û dinya hêzê xo bikerê yew nê îqtîdarî birijnê Kurdîstan bikerê azad Rohilatê Mîyanênî û dinya bikerê demokratîk. Ganî meydanê 1ê Gulane bi ruhê seferberîye bêrê pirrkerdene û vera îşxalê faşîmê AKP-MHPyî bêro vejîyayene.''