Komîteya Paştdayîşê bi Keyeyanê Şehîdan eşkera kerd ke Delîl Welat (Hasan Mahmud Bozo) 19ê êlula 2019î de hêrişê hewayî yê vera Herêmanê Pawitişî yê Medya de şehîd bîyo. Eşkerayîye wina ya:

''Şarê ma yê welatperwerî û rayaumûmîya demokratîke rê;

Nê prosesê tarîxîyî de ke vera hêrişanê dewleta tirke yê bi hemkarîya xayînan û kolonyalîzmî Zap, Metîna, Avaşîn, Botan sere de her ca de xoverdayîşo destanwarî yê gerîlayan dewam keno, ganî ma hîna şehîdanê xo yê bêmergan yad bikerê, rayberîya şehîdan de hêrişanê qirkeran bin bifînê, xeyalê şehîdan Rayberîya Azade û Kurdîstanê Azadî awan bikerê. Şehîdê ma tek afernayoxê cuya rûmetêne yê. Coka rayîrê înan de berzkerdişê têkoşînê vera îşxal û qirkerdişî hem krîterêko exlaqî hem zî erkêko pîl o. Şehîdanê ma şertanê tewr zehmetan de zî vera qirkerdiş û îşxalî ganê xo dayî.

Şehîdî bi gonîya xo her cayê Kurdîstanî de bîyî hêvîya cuya azade û ruhê cuya azade. Coka ganî şarê ma yo welatperwer pê sereberz bibo ke ewladanê xo yê tewr qîmetînan oxir kenê. Ma sereberz ê ke embazê înan bîyê. Ma pê bawer ê ke sere de keyeyê ercîyayeyî yê şehîdanê ma şarê ma yo welatperwer zî pê sereberz ê ke têkoşînê şehîdan rê dewam kenê. Nê esasî ser o ma embaz Delîl Welato (Hasan Mahmud Bozo) ke 19ê êlula 2019î de hêrişê hewayî yê dewleta îşxalkere de şehîd bibi tewrê karwanê şehîdan bibi, şexsê ey de pêro şejîdan bi minet û hûrmetî yad kenê; keyeyê Bozoyî yê ercîyayeyî û şarê ma yê welatperwerî rê serweşîye wazenê.

Embaz Delîl Welat 1993 de dadîya xo ra beno. Embaz Delîl Amûdê de sey domananê bînan pê hîkayeyanê tewrbîyayîşanê gerîlayan beno pîl. Wexto ke 2012 de Rojawan de prosesê şorişî dest pêkerd embaz Welat zî sey ciwanêkî tewrê xebatanê kulturî yê şorişî beno. O pê hêvîya xo ya cuya azade, coş û huyayîşê xo beno rîyanê ciwan û qerardaranê şorişî ra yew. Embaz Delîlî ra ver yew waka ci tewra gerîlayan bena. Bi taybetî şehadetê Delîl Hesekê ra dima embaz Delîl Welat zî motîve beno û 2013 de şehadetê Welat Botanî ser o zî bire dano. Naye ser o o tewrê gerîlayan beno û nameyê xo keno Delîl Welat. Embaz Delîl bira tewrbîyayîşê xo keyeyê xo reyde fîraz keno û qetî kelecan û coşê xo yê a roje ra dûrî nêkeweno.

 Embaz Delîl 2013 de vera DAÎŞî Hemleya Qamişloyî ya Şehîd Rûbarî de rolêkê pîlî kay keno. Dima ke birîndar beno  embaz Delîl felsefeya Rayber Apoyî de xo keno xorin û beno wayîrê pratîkê lazimî.  2017 de embaz Delîl Welat Dibistana Kadoryî ya Mazlum Doganî de perwerde gêno û warê Xinêrê de bi serfîrazî pratîkê gerîlayêkî mojneno.

Destpêkî ra heta şehadetî embaz Delîl zerrîya embazanê xo de beno wayîrê cayêkê zixmî û beno rîyanê felsefeya Rayber Apoyî ra yew ke qetî do vîran ra nêşoro. Embaz Delîl heta êlula 2019î bi ruhê Hemleya 15ê Tebaxe têgêreno. 19ê êlula 2019î de o hêrişêkê hewayî yê dewleta tirke ya îşxalkere de Herêmanê Pawitişî yê Medya de tewrê karwanê şehîdan beno. Ma sey embazanê ey ê têkoşînî reyna şexsê Delîl Welatî de pêro şehîdanê şorişî bi minet û rêzî yad kenê. Ma soz danê ke xeyalanê înan bîyarê ca, dişmenê faşîstî û hemkaranê ci yê xayînan bin bivisnê û Rayberîya Azade-Kurdîstanê Azadî awan bikerê.''

Nasnameyê Şehîd Delîl Welatî wina yo:

Nameyê Qodî: Delîl Welat

Name û Peyname: Hasan Mahmud Bozo

Tarîx û Cayê Bîyayîşî: 1993/Amûdê

Nameyê Maye: Alya

Nameyê Pîyî: Mahmud

Tarîx û Cayê Tewrbîyayîşî: 2013 /Amûdê

Tarîx û Cayê Şehadetî: 19ê Êlula 2019î /Herêmê Pawitişî yê Medya