Komîteya Rayberdişî ya PKKyî bi eşkerayîyêke şehîdê menga gulane yad kerdî.

Eşkerayîye wina ya:

''Ma sey Têgêrayîşê Azadîye û şarê kurdî mîyanê xoverdayîşê tarîxî yê yê gerîlayanê Zap û Avaşînî de kewenê menga gulane ya şehîdan a 46. Cepheyanê şerî de ma şehîdanê neweyan danê. Cinî û camêrdê kurdî yê tewr çêrî sere de Zap û Avaşîn de, her parçeyê Kurdîstanî de vera dişmenê qirker û faşîstî bi çêrî xo ver danê. Hînî wextê ci ameyo ke faşîzmê AKP-MHPyî bêro rijnayne û sîstemê îşkenceyî yê Îmraliyî bêro şiknayene. Nê esasî ser o ma têkoşeranê Kurdîstanê azadî selam kenê û înan rê serkewtiş wazenê. Şexsê Agir û Şaristanî de ma pêro şehîdanê çêran ê Zap û Avaşînî bi rêz û hûrmetî yad kenê.

Faşîzmê AKP-MHPyî nêvano Remezan o û her roje hêrişê şarê ma û têgêrayîşê ma keno. 17ê Nîsane ra nata Zap û Avaşînî ser o hêrişî est ê. Amerîka û PDK sere de, xeylêk hêzan paştî daye nê hêrişanê îşxalî. Seba ke petrol û gazê xozayî ra hîna zaf pereyan qezenç bikerê, ê rijnayîşê gonîya ciwanan normal vînenê. Roşano ke ganî mîyanê coşî de bêro fîrazkerdene seba şaranê Tirkîya û Kurdîstanî keno jehr. Têna bi nê hawayî îqtîdar wazeno emrê xo derg bikero û sey vampîran cuya xo rijnayîşê gonîye ser o awan kerdo.

Ganî no çi hol bêro zanayene ke vampîrîye zî û Dehaqîye zî hînî nêeşkena AKP-MHPyî bixelisna. Gerîlayî û kurdî xeta apogîre de û rêçê şehîdan de xo ver danê, hişmendîya qirkere û kolonyalîste kenê binê erdî. Gerîlayî û şarê kurdî xo serê xeta şehîdan de perwerde kenê, serkêşîya xoverdayîşanê Zap û Avaşînî de her roje kenê rojêka nusîyayîşê destananê çêrîye û do faşîzmê AKP-MHPyî birijnê. Do her roja Serra 50. ya Apogîran bikerê Newroze û warê xoverdayîşî û Hemleya Wextê Azadîye biresnê serfîrazîye.

Bêguman gerîlayî bi hêzê şehîdan do ney bikerê. 39 serrî verî 2ê gulane de endamo yewin ê Komîteya Merkezî ya PKKyî û Mesuldaro verên ê Leşkerîye Mehmet Karasungut û milîtanê ma Îbrahîm Bîlgîn Qendîl de şehîd bîyî. Reyna 2ê gulane roja şehadetî ya Azad Sîser û Çekdar Amedî ya. Ma serrgêra şehadetê înan de embazan Mehmet Karasûngûr, Îbrahîm Bîlgîn, Azad Sîser û Çekdar Amed bi rêz û hurmetî yad kenê û sozê xo dibare kenê ke vîrameyîşê înan bipawê. Ma venga ciwanan û şarê kurdî danê ke fermandaranê ma yê çêran hol bişinas, wayîrê înan vejîyê û binê fermandarîya înan a manewîye de her ca de şerê şarî yê şorişgêrî geş bikerê

Ganî ma xo vîr a nêkerê ke Mehmet Karasungu fermandaro bêmeg ê Xoverdayîşê Hîlwan û Sêwrege bi. Nê xoverdayîşî ra dima tecrubeyê xurtî awan bîyî. Eke Hîlwan û Sêwrege de no xoverdayîş nêameyêne kerdene PKK nêbîyayêne û kurdayetîya azade nêameyêne ca. Embaz Karasungur fermandarê bêmergî Mahsum Korkmazî reyde nêeşkayêne gerîlatîye bikero. O wexto ke waşr yewîya neteweyîye ya kurdan awan bikero şehîd bi. Pratîkanê ci ra nêbîyayêne Hemleya 15ê Tebaxe û serebûtê 40 serranê gerîlayan nêqewimîyayêne.

Embaz Karasungurî zaf waştêne yewîya neteweyîye bîyaro ca. Ma ewro vînenê ke netîceyê canêardişê yewîya neteweyîye senîn ê. Verê çiman de xayînîya vera kurdan bîya gurêko gonîrij.

Fermandarê Warê Amedî embaz Azad Sîser û Çekdar Amedê ke ma serrgêra 6. ya şehadetê înan de yê, vera hêrişanê çinkerdişî yê faşîzmê AKP-MHPyî xoverdayîşo yewin mojna. Eke xoverdayîşê înan ra nêbîyêne ewro Zap û Avaşîn de vera faşîzmê AKP-MHPyî xoverdayîşêko çêr nêameyêne kerdene. O çax emba Azad û Çekdar bi pratîkê xo mojna ke verê ma do roşnî bikerê. Sere de cinî û ciwanî ganî pêro şarê Amedî nê fermandaranê çêran raşt fam bikerê, bi xurtî wayîrê ci vejîyê û ver bi xoverdayîşê serkewtişî şorê.

Şarê ma yo welatperwer û şarê Amedî!

6ê gulane serrgêra şehadetanê Denîz Gezmîş, Yûsûf Aslan û Huseyîn Înan ê ke hetê Cuntaya 12ê Êlule ra ameybî dardekerdene. Ma nînan bi rêzdarî ya kenê û soz danê ke do armancanê înan bîyarê ca. Înanê ke waştêne 12ê êlule de Tirkîya bivurnê dîktatorîye, ewro dîktatorîya AKP-MHPyî awan kerde.

Eşkera yo ke hîkayeya Denîz, Yusuf û Huseyînî vurîyaye adirê şorişgêrî û destê gerîlayan de bîyo hêzêk ke do zaliman çin bikero. No hêz nika Zap û Avaşîn de tarîxî nuseno. Têgêrayîşê Apogîrî 50 serrî verî alaya nê xoverdayîşî berz kerde, ewro zî hêzê demokratîk û şorişgêrî yê Tirkîya de binê alaya HBDHyî de xîret kenê ke Kurdîstanê Azadî û Tirkîyaya Demokratîke awan bikerê.

Nê esasî ser o ma reyna Denîz Gezmîş, Yûsûf Aslan û Huseyîn Înan bi hurmetî yad kenê; ma venga hêzanê demokratîk û şorişgêran, karker û kedkaran, cinî û ciwananê Tirkîya danê ke xoverdayîşê şorişî yê 50 serrî fam bikerê, şexsê şehîdan de wayîrê nê prosesî vejîyê, vera hêrişanê AKP-MHPyî xoverdayîşê antîfaşîstî xurt bikerê û peynîya AKP-MHPyî bîyarê.

Ma pêro şehîdanê çêran ê Gulane bi rêzdarî û minetî yad kenê. Vîrameyîşê şehîdanê ma yê çêran serkêşê têkoşînê ma yê azadîye yê.''