Grevê vêşanîye yo ke semedê wedartişê tecrîdê serê Rayberê Şarê Kurdî Abdullah Ocalanî banê HDP’yî yê Amedî de yeno viraştene, reya hîrêyîne  polîsan eşt ser û  3 çalakwanî destbend kerdî.

Banê Partîya Şaran a Demokratîke (HDP)  ya Amedî de   grevê vêşanîye yo ke semedê wedartişê tecrîdê serê Rayberê Şarê Kurdî Abdullah Ocalanî hetê parlamenter Dersîm Dage, Tayîp Temel û Mûrat Sarisaç û endamanê partîye Sevîcan Yaşare, Salîh Cansever, Îsmet Yildiz, Salîh Tekîn, Bîlal Ozgezer, Abdulhalîk  Kurt û Yusuf ateşî ra yena domanyene, rixmê heme hêrişanê polîsan dewam keno. 7 çalakwanê ke ameyîbî destbendkerdene înan ra 4 kesî ameyîbî tewqîfkerdene. Sereştişê 8’ê Adare ra dima çalakwanî Abdulhalik Kurt, Yusuf Ateş û Salîh Canser ê ke serbest ameyîbî veradayene û çalakîya xo domnayene ewro sereştişê hîrêyîn ê polîsan de reyna ameyî destbendkerdene.