Keyeyê Efe Taştekîno ke hetê polîsan ra bi wesayîtê zirxin ame kiştene sey sucdar ame dîyene.

11 êlula 2019î de Efe Taştekîno 5 serre qezaya Baglarî ya Amedî de wexto ke waşt rayîrî ra şore hetê bîn wesayîtê zirxinî yê polîsanê tirkan da piro û wefat kerd. Derheqê ramitoxê polîs ê wesayîtê zirxinî de tehqîqato ke hetê Dozgerîya Komare ya Amedî ra amebi akerdene qedîya. Derheqê ramitoxê polîsî de îddîanameyêk ame amadekerdene. Gore îdîaname kiştişê Taştekînî ''qeza'' yo. Gore raporo ke hetê Mudirîyetê Trafîkî ra ame amadekerdene Efe Taştekîn o 5 serre seba ke wexto ke hetê rayîrê ra şîyêne hetê bînî seba ke bi hawayêkê balkêşî nêewnîya rayîrî ''sucdar'' o.

Polîsê vergumanî zî îdîa kerd ke ey wesayît lez nêramitêne û seba ke Taştekîn kilm bi ey doman nêdî û Taştekîn kewt binê wesayîtî.  Gore şahîdanê ke îfade da  seba ke wesayîto zirxin zaf lez ameyêne da sereyê Efe Taştekînî ro. Avûkatê Taştekînî derheqê babete de wina qisey kerd: "Serebûtê pirodayîşê wesayîtanê zirxinan zaf qewimîyenê. Kesê ke ehlê ramitişê nê wesayîtan nîyê xebitnenê. Eke qeza zî bikerê goş pa nêkewenê çunke zanenê ke do ceza nêgêrê."