Qetilkerdişê Bulbunî ser o di vergumanê tirkî ameyî destbendkerdene
Tehqîqatê serê qetilkerdişê Temsîlkarê KNKyî Denîz Bulbun Cevdetî de Hewlêr de di vergumanê tirkî ameyî destbendkerdene. Dîya zanayene ke tetîkkêş remayo Bexdadî.
18ê êlule de hêrişê vera Temsîlkarîya KNKyî ya Hewlêrî de Denîz Cevdet Bulbun şehîd bibi.
Avûkatê dewa Aso Haşimî pare kerd ke 2 vergumanî tehqîqatê serê hêrişî de ameyê destbendkerdene la tetîkkêş remayo Bexdadî.
Haşimî derheqê babete de Rojnewsî rê qisey kerd û vat: ''2 plankarê hêrişî ameyî destbendkerdene ke wirdî zî tirk ê. Nînan îtîraf kerd ke tetîkkêş keso kîrakerde yo û ereb o. Tetîkkêş remayo Bexdadî. Dima ke tehqîqat biqedîyo prosesê muhakemekerdişî do dest pêbikero.''
