Qeyûm 10 rojî yo meseleya awe çareser nêkeno
Rixmo ke amebi vatene xeripîyayîşê şebekeya awa werdişî ya qezayanê Qoser û Artukluyî ameyo çareserkerdene 10 rojî yo awe nêdîyena.
Qezayanê Qoser û Artukluyî yê Mêrdînî de 14ê sibate ra nata xeripîyayîşê xeta awa werdişî ra awe çin a. Îdareyê Awe û Kanalîzasyonan ê Mêrdînî (MARSU) yê Şaredarîya Mêrdînî vizêr vatbi ke xeripîyayîş ameyo çareserkerdene û şan awe do biresa her kesî.
La rixmê nê vateyan zî awe hema zî nêdîyaye qezayan.
Hemwelatîyî depoyan û tankan ra awe peyda kenê. Tay hemwelatîyî zî verê çirikan de kewtî dora awe. MARSUyo ke binê emrê Qeyumê Mêrdînî de yo, hema zî derheqê babete de eşkerayîyêke nêdaye.
