Qoser de, dimayê dewrê qeyûmî ra Tîyatroyê Bajarî yê Amedî kayo Kurdkî yo bi nameyê “Wê Hesab Neyê Dayîn” (Do Hesab Nêro Dayene) reya ewilêne kay kerd û kay hetê bi seyan kesan ra ame temaşekerdene.
Mudurîya Karanê Kultur û Sosyalî ya ke pabesteya Şaredarîya Qoserî ya Mêrdînî ya û destê îdareyê Partîya Şaran a Demokratîke (HDP) de ya, dimayê qedîyayîşê dewrê qeyûmî ra reya ewilêne yew tîyatroyo Kurdkî organîze kerd.
Kayê Darîa Fo’yî yo ke 1974 de nûşto Ruknettîn Gunî îdare kerd, sey “Wê Hesab Neyê Dayîn” ame açarnayene bi Kurdkî û hetê kaybazanê Tîyatroyê Bajarî yê Amedî ra ame kaykerdene. Kayo ke Merkezê Cinî yê Nûda de ame kaykerdene hetê bi seyan kesan ra ame temaşekerdene. Performansê kaybazan temaşkerdoxan ra notêko tam girewt, dimayê qedîyayîşê kayî temaşkeran kaybazî payanî çepik kerdî. Bi paştdayîşê Şaredarîya Qoserî siba zî saete 20.00 de do kayê Xwezgînî Merkezê Cinî yê Nûda de bêro kaykerdene.
