Merkezê Çapemenîye yê QSDyî derheqê hêrişanê îşxalkeran û xoverdayîşê şervanan ê 24 saetanê peyênan de eşkerayîye daye û nê vatî:

''Hêzanê ma vizêr (çarşeme) vera artêşa tirke ya îşxalkere û çeteyanê ci xeylê çalakîyî kerde. Qilê Qereqozaxî  û qilanê bînan de nuqtayê artêşa tirke û çeteyan ameyî hedefgirewtene. Çalakîyan de 3 leşkerê tirkî yê îşxlakerî ameyî kiştene, 2 çeteyî zî birîndar bîyî. Reyna Yewîyanê Şehîd Harunî qilê Qereqozaxî de vera nuqtaya çeteyan çalakîye kerde, nuqta bi temamî ameye îmhakerdene.

Hêzanê ma dormeyê Awbendê Tişrînî de droneyêkê kamikaze yê çeteyan îmha kerd. Dormeyê awbendî de pê teyarayanê şerî û obusan dîya bombayan ver, hêrişan de xesaro madî ame meydan.

Teyarayanê şerî yê dewleta tirke dewê Tîne û Xeseqî yê Kobanê dayî bombayan ver, xesaro madî ame meydan. Reyna dewê Tîna, Cada, Bîr Hiso, Xeseq, Dîkan, Melha, Sena û qilê Qereqozaxî pê obus, tanq, roket û havanan dîyayî bombayan ver.

Teyarayanê şerî yê dewleta tirke ya îşxalkere hêrişê bajarekê Şiyûxî yê Kobanê kerd la fuze ke ame eştene nêteqa. Herême de têgêrayîşê teyarayanê şerî dewam keno.

Artêşa tirke û çeteyanê ci Eyn Îsa sî pê obusan da bombayan ver. Netîceya hêrişî de milkê şarî de xesaro madî ame meydan.''