RAJIN bi eşkerayîyêke Şaristane Asmîna (Leyla Yildiz) ke 3yê hezîrana 2023yî de nêweşîyêke ra şehîd bîya yad kerde.

RAJIN eşkerayîya xo de pare kerd ke Şaristane Asmîn tradîsyonê Gurbetellîyan ser de şîyêne û vat: ''Embaze Şaristane bi perwerîya xo ya Rayber Apoyî kadroyanê verênan ê xeta azadîya cinîyan ra yewe bîye. Aye kedêka pîle daye çapemenîya azade, kulturê şorişgêrî. Ma sey embazanê aye qetî keda ey xo vîr a nêkerê û xebatanê aye yê çapemenîye bikerê hêzê têkoşînî. Embaze Şaristana ke teqîbê raştîye kerdêne, xeylêk cayan de xebatê çapemenîya cinîyan kerdî. 

Aye bi serran xebatanê çapemenîya cinîyan de cagirewt; Herêmanê Pawitişî yê Medya, Kerkûk, Mexmûr û Şingal de xebatê çapemenîye kerdê. A hem sey gerîlayêke hem zî sey xebatkarêka çapemenîye her cayê Herêmanê Pawitişî yê Medya ra gêraye. Aye cuya gerîlayan ê cinîyan xo rê kerd çimeyê îlhamî û nê cuyî mojnayî. 

Embaze Şaristane nêverda ke nêweşî û tedawîya ci aye rê asteng bibê û heta peyên mîyanê têkoşînî de mende. A ma rê nimûneya têkoşîn, kede û tewrbîyayîşê raştî ya. Ma do tim rêçê aye ser ra şorê. Ma şexsê embaze Şaristane de pêro şehîdanê xo yad kenê. Ma soz danê ke do wayîrê şehîdanê xo, têkoşînê înan ê azadîye û erjanê înan vejîyê.''