Wan de AKPyî reyde Walîtîya Wanî, Asayîş, Qaymeqamîye û dezgehê bînî yê dewlete tax û dewan de propagandaya AKPyî kenê û xîret kenê ke HDPyî reş bikerê.

Walîyê Wanî û Qeyûm M. Emîn Bîlmezî sey serekanê AKPyî xebitîyenê. Mudirê Asayîşî zî propaganda de hende aver şîyo ke dikandaran zî zîyaret keno.

Qeyûmanê qaymeqaman mudirîyetanê perwerdeyî yê qezayan rê nuşteyî nuştî û înan ra waşt ke keyeyanê wendekaran zîyaret bikerê û bikerê ke dewlete û milet' bibê yew.

Nuşte de wina vajîya: ''Mudirê dibistanî û hetkarê miduran pa mamostayan bigêrê û nê zîyaretan de keyeyan agahdar bikerê. Netîceyê nê karî sey raporî qaymeqamîye rê rapor bikerê.''

Muftuyê Wanî zî dewan de camîyan ra propagandaya AKPyî keno. Çarçema projeyê 'erjanê ciwanan' yê Dîyanetî de muftu Payîzava de pêvînayîşê 'camî-ciwanan' kerdî. Selahîyetdaranê muftuyî nê pêvînayîşan de 'sozê kar û ameyoxî' da ciwanan û vat: ''Bêrê çayê ma bişimê.''