Rêxistina HDPyî ya Riha qezaya Eyubîye de şayîya Newroze organîze kerde. Şayîya ke bi şîarê ''Wext wextê serkewtişî yo'' ameye kerdene de adir ame tavistene. Wekîlê HDPyî yê Riha Ayşe Surucu û Omer Ocalan, endamê Meclîsê Dayîkanê Haştîye û xeylêk kesî tewrê ci bîyî.

Şayîya ke bi tavistişê adirî ameye destpêkerdene de slogan û tilîlî ameyî antene û şar bi nîşanê azadîye serê adirî ra xo eşt. Reyna pê kuwayîşê erbenayan govende ameye gorewtene û vengê tîlîlîyan bi berz. Badê şayîşe semedê tewrbîyayîşê şayîyanê Newroze vilawekî ameyî vilakerdene.

19ê adare de Pirsûs, 20ê adare de merkezê Riha û 21ê adare de Wêranşar de do şayîşî bêrê kerdene.