Zîndanê Xarpêtî yê bi Asayîşê Berzî yê Hûmara 1’ine de binpaykerdişê heqan dewam kenê.

Ame zanayene tepişteyê ke vera tecrîdê serê Rayberê Şarê Kurdî Abdullah Ocalanî kewtî girevê vêşanîye nênê tedawîkerdene. Qismêkê tepişteyan sewqê nêweşxaneyî nêbîyê, ê ke ameyî berdene bi nêweşxane ê zî bi sebeko bi kelepçeyan ameyî mûayenekerdene tedawîya înan nêmaye kerdene. Rojnameger Mehmet Guleşî derheqê binpaykerdişê heqanê Zîndanê Xarpêtî de Ajansê Mezopotamya (MA) rê mektûbek şawite û nê pare kerdî: ‘’ Dimayê çalakîya grevê vêşanîye ma  8 embazan de problemê çimanî vejîyayî werte. Riyê mûayeneyê bikelepçe ra rixmo ke sewqê ma nêweşxaneyê kampûsî rê bîyo ma tedawî qebûl nêkerde. Reyna binpaykerdişê heqanê bingeyênan zî dewam kenê.