Newroza 2017î de Amed de wendekarê zanîngehî Kemal Kurkut wexto ke derbazê meydanê şayîye bîyêne hetê polîs Y.Ş. ra amebi qetilkerdene.

Roniştişê 12. yê dewaya ke 'qestî ra kiştişî' ra derheqê polîsê kiştoxî Y.Ş. de ameye akerdene Mehkemeya Cezaya Girane ya Amedî de dest pêkerd.

Verguman û avûkatê ci tewrê roniştişî nêbi. Avûkatê keyeyê Kurkutî Mehmet Emîn Atar, Cîhan Aydin, Serdar Çelebî, Sîdar Avşar, Mehmet Oner û Muhlîs Ogurgul tewrê mehkeme bîyî.

Bi bahaneya Korona têna destûr dîya ke Wekîlê HDPyî Merale Daniş Beştaş û Hîşya Ozsoy û rojnamegerî zî tede 18 kesî dekewê salona roniştişî.

Dozgerîye wazena 3 serran ra heta 9 serran cezaya zîndanî bêra dayene vergûman. Roniştişê dewa bi pawitişê avûkatanê Kurkutî dewam keno.