27ê kanûna 2021î de hêzanê Iraqî nişka ra waştbi ke bikewê Kampa Multecîyan a Şehîd Rûstem Cûdîyî (Mexmûr) û kampe bi têlan ablûqa kerdbî. Naye ser o roniştoxanê kampe nêrazîbîyayîşê xo mojnabi û hêzê Iraqî xo apey girewtbi. 1ê çeleyê 2022î de zî roniştoxanê kampe vera ablûqa çalakîya xeyme dabî destpêkerdene.

Çalakîya xeyme ya roniştoxanê Mexmûrî ya vera ablûqa û ambargoyî bi eşkerayîya çapemenîye qedîyaye. Hemserekê Dîwanê Meclîsê Şarî Neşad Karayî eşkerayîye wende.

Karayî da zanayene ke şarê kampe 28 serrî maruzê teda û zulmî mend û qetî çewî rê nêbi tehluke. Karayî pare kerd ke rixmê ney zî kampe gêrîyaye binê ablûqa û vat: ''Hukmatê Iraqî waştişê PDK û dewleta tirke ser o dormeyê kampe girewt. Ma hukmatê Iraqî ra wazenê ke cade nê kerdişî ra abigêro.''

Eşkerayîye bi sloganan qedîyaye.