Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:

''Milîtanê ercîyayeyî yê Apogîrî û ewladê şarê ma yê qehremanî embazê ma Navdar, Dilovan û Bager prosesê têkoşînê çetinî yê 2019î de bi xoverdayîşî şehîd bîyî. Embazanê ma rayraşîyayîşê xo yê têkoşînê azadîye asta tewr berze de temam kerd û tarîxê şarê ma yê rûmetênî de cayê xo girewt.

Ma sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke têkoşînê şehîdanê xo qedî bi serfîrazî tacîdar bikerê.

Nasnameyê embazanê ma yê şehîdan wina yê:
 

Embazê ma Navdar Amed de dadîya xo ra beno. O hêverî xebatanê ciwanan de cagêno û dima tewrê gerîlayan beno. Dima o derbazê Herêmanê Pawitişî yê Medya beno. Embaz Navdar perwerdeyanê xo bi serkewtişî temam keno. O waranê Perax, Partîzan û Xantûrî de erk keno û beno milîtanêko xurt.  Embazê ma Navdar heta şehadetê xo beno perwerê erjanê Rayber Apo û şehîdan.

Embazê ma Dilovan Sêrt de dadîya xo ra beno. Embazê ma Dilovan cigêrayîşan ra pey 2013 de verê xo dano koyan û beno gerîla. O wextêk Herekol de maneno û tîya ra derbazê Herêmanê Pawitişî yê Medya beno. Embaz Dilovan wextêkê kilmî de beno gerîlayêko marîfetîn û tim têkoşînê xo aver beno. Embaz Dilovan bi samîmîyetê xo zî zerrîya embazanê xo de beno wayîrê cayêkî.

Embaz Bager Wan de dadîya xo ra beno. O wextê hêrişanê DAÎŞî de 2015 de Şingal de têkoşîn keno û tîya ra zî verê xo dano Rojawanê Kurdîstanî, dima tewrê refanê gerîlayan beno. O bi tecrubeyanê xo yê şerî embazanê xo rê beno hetkar û bi nê hawayî beno mazharê heskerdişê embazanê xo. O bi tewirê xo yê îdeolojîkî û keda xo ya pîle her kesî rê beno nimûne.''