Wan de hezar û 900 rojî yo çalakî û aktîvîteyî bi bira Walîtîye qedexe yê. Rêxistina nemeşrûye ya AKPyî SADAT Wan de ciwananê bêkaran seba menfatanê xo şuxilneno.

SADATo ke rolê ci îşxalê Efrînî û qirkerdişê şarê Rojawanî de pîl o, seba ke weçînayîşan de verê rijîyayîşê AKPyî bigêro herêmanê cîyayan ê Tirkîya de karê xo zêdînayî.

Fînansorê tewr pîlî yê SADATî zî qeyûm ê. Qeyûmî verî pereyî şawenê TUGVA, uca ra pere erşawîyeno SADATî. SADAT nika zî xîret keno ke çeke bido destê ciwananê Wanî û pê înan provakasyonî bikero.

SADAT bi vateyê 'welat-milet-Sakarya' nîjadperestîya tirkan visneno mîyanê ciwanan. Goreyê agahîyan SADAT Wan de perwerdeyê leşkerî zî dano ciwanan. Esnafêko ke nêwaşt nameyê xo eşkera bikero vat: ''Ciwanêko ke verî feqîr bi na menge pê jîp û çeke ameyo dikanî. Mi ey ra pers kerd ke se bîyo ci. Vat 'Rewşa xorin a, şima fam nêkenê.' Mi tira vat 'Ti dayîreyê dewlete de xebitîyenî?' Ciwanî zî vat 'Homa meverdo zerar bireso dewlete. Ma do rojêke deynê xo bidê dewlete.' Dormeyê ey de wina 4-5 ciwanî estbîyî.''

Nê karê SADATî sey 'amadekarîya provakasyonî' yenê şirovekerdene. Wina pawîyeno ke weçînayîş de SADAT seba ke AKP bin nêkewo hêzan verbido kuçeyan û bi nê hawayî tedaya komelî bikero.