Hemserekê Komelgehê Demokratîk û Azadî yê Rojhelatê Kurdîstanî (KODAR) Fuad Bêrîtan Komployo Mîyanneteweyî yê vera Rayberê Şarê Kurdî abdullah Ocalanî ANFyî rê ercna.

Qiseykerdişê Bêrîtanî ra beşêk wina yo: 

''Wexto ke Rayber Apo tepişîya şarê Rojhelatê Kurdîstanî vejîya meydanan, çalakîyî kerdî û wayîrê Rayber Apoyî vejîya. Coka Rojhelatê Kurdîstanî Îran de Mako ra bigêrê heta Îlamî ma şahîdê nawnayîş û wayîrvejîyayîşê Rayber Apoyî bîyî. Serranê 90an ra verî şarê Rojhelatê Kurdîstanî Rayberê xo vînî kerdbi, têkoşînê înan amebi  bêvengkerdene. Şarî hînî vatêne ê do nêeşkê vera rejîmî sere wedarnê. O çax ma dî ke şar senî seba Rayber Apoyî sere wedarneno. No zî mojneno ke Rayber Apo senî tesîrê şarî keno. Felsefeya Rayber Apoyî bîye hêvîye û çimeyêko newe yê şarî. 

Vera hişmendîya ke vatêne ma kokê kurdan ardo bi hezaran ciwan û cinîyê Rojhelatê Kurdîstanî tewrê gerîlayan bîyî. No têkoşîno ke rayberîya ciwanan de yeno kerdene mojneno ke Rayber Apo çar parçeyanê Kurdîstanî de fikrê xo vila kerdê. Her kes fikranê ey nîqaş keno û wayîrê ci vejîyeno. Rayber Apoyî pêro dês û sînorî derbaz kerdî.

Cinîyî û ciwanê Rojhelatê Kurdîstanî ganî ewro zî sey serranê 90an wayîrê Rayber Apoyî vejîyê, dormeyê ci de bêrê pêser û bi nê hawayî cuya azade bipawê. Ganî ma na serrgêra Komployî de zî tewirê xo bimojnê û erkanê xo bîyarê ca. Erkê ciwanan o ke fikranê Rayber Apoyî her ca de vila bikerê, felsefeya Rayber Apoyî bidê şinasnayene. Nê prosesî de ke tecrîdê vera Rayber Apoyî yeno giranêr kerdene, dişmenî plananê qirkerdişî rê dewam kenê ez venga pêro ciwanan, cinîyan û kurdan dana ke wa wayîrê Rayber Apoyî vejîyê, azadîya Rayber Apoyî bîyarê ca û heta o azad bo têkoşînê xo berz bikerê. Nê wextî de hewn zî ma rê heram. Seba azadîya Rayber Apoyî ma mil bi milî bidê, hêzê xo yew bikerê.''