Rayîrê deweka Tahtirawanî ya qezaya Gogsî ya Erziromî varayîşê vewre ra 10 rojî yo girewte yo. Seba ke rayîr girewte yo dewijî nêeşkenê hewcedarîyanê xo peyda bikerê, şorê nêweşxane. 

Dewijan ra Cemîl Yavuzî ard ziwan ke seba ke înan weçînayîşê verênî de raya xo nêdaya AKPyî rayîrê înan nêno akerdene. Yavuzî vat: ''Rayîrê dewanê bînan ameyê akerdene. Seba ke ma raya xo nêdaye înan ma rê ney rewa vînenê.''

Yavuzî pare kerd ke di rojî verî kepçeyêk seba akerdişê rayîrî ame la dima ke qaymeqamîye ra telefon ame kepçeyî rayîr anêkerd û agêra. Yavuzî vat: ''Her kes ney zaneno. Raşt o ke şarî rê wina kenê? Ma na rewşe qebul nêkenê. Dewe de merdimê kokimî est ê. La seba ke rayîr girewte yo ma nêeşkenê înan berê nêweşxane. Ma simêrê heywanan şinê paştîya xo de anê. Ez roje de 2 reyî şina yena. 13 mangayê mi est ê. Eke wina dewam bikero heywanê mi do telef bibê.''  

Yavuzî waşt ke wa rayîrê înan bêro akerdene.