Qaymeqamê Qisle ya Dêrsimî Ugur Tutkanî komêka çekdaran reyde Cemxaneyê Duzgun Babayî rê gef wendbi. Vera qaymeqamî nêrazîbîyayîşî dewam kenê.

Hemserekê Pêroyî yê Komeleyanê Elewîyan ê Demokratîkan (DAD) Musa Kuluyî derheqê babete de qisey kerd. 

Kuluyî da zanayene ke Duzgun Baba kabeya elewîyanê Raya Heqîye ya û vat: ''Na hişmendîya sîstemê tekperestî ya. Coka nê gefî zî normal ê. No sîstem cara elewîyan nêwazeno. Êyê ke ewro qewimîyenê înkar, asîmîlasyon, çinkerdiş û teda yê.  2 serran ra nata vera Cemxaneyê Duzgun Babayî teda, cezayî estê. Oyo ke şîyo zorê qaymeqamî no yo ke her serra bi hezaran merdimî nê cemxaneyî zîyaret kenê. Ê cayê fîrazî de 'hêzê dewlete mojnenê.' No yeno a mana ke ê vanê 'ma do şima çin bikerê.' ''

 Kuluyî pare kerd ke walîtîye pê eşkerayîyanê xo xîret kena ke serê mesele bigêra û vat: ''No yew tewirê remayîş, gef û sergirewtişî yo.''