Mehmet nîsana 2014î de tewrê gerîlayan bi û nameyê 'Dozdar Ararat'î kerd xo. Bala Dozdarî şîyêne edebîyat û tarîxî, bi taybetî ey tarîxê kurdan û Kurdîstanî ser o cigêrayîşî kerdî. 

Seba gerîlatîya Dêrsimî ganî merdimî xurt bibê. Dêrsim warê tarîxê kurdan û qirkerdişî yo. Serranê 2013-14î de bi taybetî zanîngehan ra ciwanê kurdî, tirkî, çerkes, ereb û bînî tewrê gerîlayan bîyêne. Dozdar zî nê ciwanan ra bi.

Dozdar zerrînizm û fedakar bi, ey tim tesîrê dormeyê xo kerdêne. Ey tim zanayêne ke se bikero senî bikero.

O Êlih de keyeyêkê welatperwerî de dadîya xo ra bîyo. Ey armanc kerdêne ke seba domanan ameyox û welatêkê azadî awan bikero. Destpêkê zanîngehî ra dima ey tim seba nê armancî xîret kerd. Ey 2014 de newroza tarîxî ya Amedî de ca girewt.

Dozdarî Amed de perwerdeyê gerîlatîye girewt û waşt ke warê Şorişê Rojawanî de şer bikero. La no waştişê ci nêame caardene. Waştişê ci yo diyîn Dêrsim bi. O pê coş û moralî ver bi Dêrsimî kewt rayîr.

Têgêrayîşê Azadîye de rayberîya Rayberê Şarê Kurdî Abdullah Ocalanî de 50 serrî yo xoverdayîşêko giran yeno kerdene. Nê xoverdayîş û têkoşînî de xeylêk şaran ra bi hezaran ciwanî şehîd bîyî. Nînan ra tay kesî ne dîmenê înan estê ne zî yew fotografê înan esto. La seba azadîya Kurdîstanî nînan canê xo feda kerdî. Dozdar zî nê hezaran şehîdanê xoverdayîşî ra yew bi. Dozdar Ararat 1ê teşrîna peyêne ya 2017î de Dêrsim de şehîd bi.