Silêmanî de kampanyaya îmzayan a vera leşkeranê tirkan dewam kena
Şaristanê Sîlêmanî û xeylêk şaristan û qezayanê Başûrê Kurdîstanî de seba ke leşkerê dewleta tirke ya îşxalkere erdê Başûrê Kurdîstanî ra bêrê vetene kampanyaya îmzayan dewam kena.
Kampanyaya îmzayan a ke seba ke leşkerê tirkî yê îşxalkerî erdê Başûrê Kurdîstanî û Iraqî ra bêrê vetene hetê Cinîyan ê Ciwanan ê Têkoşeran û Ciwananê Welatperweran ra dîyabi destpêkerdene, hema zî dewam kena.
Pêro qeza û şaristananê Başûrê Kurdîstanî de şar bi hawayêkê zixmî tewrê kampanya beno.
Meydanê Derkê Sera yê Silêmanî de zî endamanê rêxistinanê ciwanan standêk akerd. Roniştoxanê Silêmanî eleqeyêko pîl mojna kampanya. Mîyanê çend saetan de bi seyan kesî tewrê kampanyaya îmza bîyî.
