Dîmenê Kurojahroyo ke gulane de hîrê rojan dîyabi bombayan ver û tede 6 gerîlayî şehîd bibî û dîmenê Werxelê yê ke şehadetê di gerîlayan tede ameybî girewtene sûcanê şerî yê dewleta tirke bi zelalî eşkera kenê.
Hêrişanê kîmyewîyan ê dewleta tirke ya îşxalkere de Herêmanê Pawitişî yê Medya de, 2021-2022 de 90 gerîlayî şehîd bîyî.Heta nika çend reyî bi belgeyan nê hêrişê kîmyewîyî ameyî îsbatkerdene.
Dîmenê neweyî yê ke resayê destê ajansê ma sûcanê şerî yê dewleta tirke reyna bi zelalî mojnenê ra.
Dîmenê verênî Warê Xoverdayîşî yê Kurojahroyî de 25ê gulana 2022yî de ameybî girewtene ke o çax hîrê rojan war bêmabên pê çekanê kîmyewîyan û bombayanê qedexeyan dîya bombayan ver û tede 6 gerîlayî şehîd bîyî.
Dîmenê bînî zî Warê Xoverdayîşî yê Werxelê yê Avaşînî de ameyî girewtene ke dîmenê şehadetê Baz Mordem (Mehmet Can Evren) û Helbeste Koçerîn(Kevsere Ete) zî tîya de ameybî qeydkerdene.
Dîmenan de aseno ke artêşa tirke madeyanê kîmyewîyan dana adirî ver, dûyê înan ê jehrînî verdena zereyê tunelanê şerî. Madeyê kîmyewîyî yê ke eşkenê bivêşnê dûyê jehrînî vejenê.
