29ê çeleyî de roşnvîr, sîyasetmedar û hunermendanê Başûrê Kurdîstanî Silêmanî û Kerkûk de seba ke PKK lîsteya terorî ra bêro vetene kampanyayêke dabî destpêkerdene.

Paştdayîşê bi kampanya her roje zêdîyeno. Têgêrayîşê Şarî yê Demokratîkî yê Kurdîstanî zî paştî daye kampanya.

Endamê Têgêrayîşê Şarî yê Demokratîkî yê Kurdîstanî Necad Elî Qadirî derheqê babete de ANFyî rê qisey kerd.

Necad Elî Qadirî vat: ''Eke PKK na lîste ra bêro vetene rayîrê demokrasî, azadîye û haştîye do bêro akerdene. Seba ke haştîgîr bibê ganî şima şerwan û cengawer bibê. Ewro PKK cengawerêk o ke Kurdîstan û Tirkîya de seba haştîye û azadîye şer keno.''

Qadirî ard ziwan ke ganî pêro kurdî dest bidê destî û serkewteyanê çar parçeyanê Kurdîstanî sey serkewteyanê xo bivînê.

Qadirî vat: ''Ez nameyê Têgêrayîşê Şarî yê Demokratîkî yê Kurdîstanî ser o paştdayîşê xo eşkera kena. Ma wazenê ke wa cade PKK na lîste ra bêro vetene.''