Gerîlaya YJA Starî Evîne Encu 22ê çeleyî de herêma Besta ya Şirnexî de şehîd bîye û cenazaya ci 1ê sibate de hetê keyeya ci ra Nêweşxaneyê Dewlete yê Şirnexî ra ameye girewtene û dewa Roboskî de ameye definkerdene.

Tezîyeya ke semedê Encu dewe de ameye ronayene rixmê serd û sipirî xeylêk kesî tewrê ci bîyî. Wekîlê HDPyî ya Şirnexî Nurane Îmîr û Hasan Ozguneş û bi seyan kesan kesan tehzîye zîyaret kerd û keyeyî rê seweşîye waşte. Şaro ke şi tehzîyeya Evîne Encu meydanê dewe de hetê merdimanê Encu ra ame verwazîkerdene û dima ra şi keyeyê aye. Nurane Îmîra ke tîya qisey kerd bale ante vindertişê Botanî yê tarîxî ser û vat: ''Ma sey eşîr, keye, ciwan, extîyar, rêxistinanê komelê sîvîl û partîyanê sîyasîyan na herre de pêkewtiş nêwzenê.''