Endamê Komîteya Merkezî ya PKKyî Cemal Şerîkî têkilîya mabênê xoverdayîşê menga hezîrane û xoverdayîşê Îmraliyî ANFyî rê ercnaye.

Qiseykerdişê Şerîkî ra tay noqtayê girîngî wina yê:

''Menga hezîrane mengêka xoverdayox a. Na menge de xeylêk şehîdê xoverdayoxî ameyî dayene. Menga hezîrane de çalakîyê girseyî ameyî kerdene. Xoverdayîşê Karkeran ê 15-16ê hezîrane, Xoverdayîşê Gezîyî nînan ra yê.

Netîceyê xoverdayîşê Îmraliyî yê Rayber Apoyî û xoverdayîşê hezîrane yewbînan temam kenê. Xoverdayîşê Îmraliyî heman wextî de temsîlîya xoverdayîşê menga hezîrane zî kena. Erk û mesuldarîya ma pêroyînan ê ke xoverdayoxanê hezîrane bi hawayêkê heybetînî bîyarê vîrî û wayîrê nînan vejîyê. 

Têkoşînê şaranê Tirkîya û Kurdîstanî têkoşînê vera rejîmê şerê taybetî yo. Ganî na noqtaya esase bêra dîyene. Ganî têkilîya mabênê xoverdayîşê Îmraliyî û nê têkoşînî hol bêra dîyene. Xoverdayîşê Gezî wexto ke xoverdayîşê Îmraliyî est bi dîyabi destpêkerdene. Ewro hema zî xoverdayîşê Îmraliyî dewam keno. Xoverdayîşê menga hezîrane raşta raşte xoverdayîşê Îmraliyî de eleqedar o. Coka xoverdayîşê Rayber Apoyî yê Îmraliyî vurîyayo xoverdayîşêko mîyanneteweyî. Ganî xoverdayîşê Gezî û xoverdayîşê Rayber Apoyî hol bêrê ercnayene. Eke na têkilîye hol fam biba tesîrê ci do xurt biba. 

Ewro Rayber Apo lîderêko global o. O tesîrê pêro merdimatîye keno. Coka hêzê hegemonya kenê ke bi tecrîdî tesîranê Rayber Apoyî kêm bikerê. Coka ganî ma wayîrê xoverdayîşê Rayber Apoyî vejîyê û nê xoverdayîşî aver berê. 

Senî ke Xoverdayîşê Gezî hêzê tesîrî zêdînayo xoverdayîşê Rayber Apoyî zî wina firsend dano ke şorişgêr û demokratê Tirkîya hêzê xo yê têkoşînî xurtêr bikerê. No heman wextî de yenoo manaya destpêkerdişê hemleyêka girînge ya seba xelisnayîşê şaranê Tirkîya û Kurdîstanî. Nê çaxî de ganî şorişgêr, demokrat û hêzê sosyalîstî yê Tirkîya wayîrê Hemleya 'Rayber Apoyî rê Azadîye, Meseleya Kurdan rê Çareserîye' vejîyê.''