5 tepişteyê Şêladizê Yusif Şerif, Mehmud Naçi, Kovan Tarıq Cubrail, Emced Yusif û Neçirvan Haci yê ke ganî Roşanê Qurbanî ra ver biameyêne veradayene hema zî destê PDKyî de tepişîyenê.

Avûkatê tepişteyan Beşdar Hesenî eşkera kerd ke mudaxeleyê PDKyî ser o tepişteyî nêameyê veradayene û vat: ''5 tepişteyan naye ser o dest pê rojeyê mergî kerd. Ê çîyêkî nêwenê. Avûkatan û Komîsyonê Heqanê Merdiman ê Parlamentoyî çend rojî verî pers kerd ke çira tepişteyî vera nêdîyenê. La cewabêk nêdîya înan.''