Hemserekê Heyetê Rayberdişî yê Meclîsê Şengalî Faris Herboyî Stêrk TV’yî rê qisey kerd û bale ante serê hêrişanê dewleta Tirkî, halê Şengalî û Başûrê Kurdistanî, teqayîşanê Qamişloyî û Kerkukî û vat, “Bexda de zî depoyê genimî û zadî ameyî vêşaneyene. Hukmatê Iraqî ganî nê rind wekeno.”

 Hukmatê Iraqî Nêwazeno Şar Agêro Şengal

Herboyî vat rîyê şewatan ra şar mexdûr bîyo, ganî no mexdûrbîyayîş raster a bêro wedartene û vat, “Hukmatê Iraqî vat ê do zirarê mexdûran bide. La seba ke hetkarî nêdê citkaran nê nêkenê, mesuldarîya xo bica nêanê. Eke tedbîrê asayîşî biameyêne girewtene no nêbîyêne û şarê ma do bi asanî agêrayêne erdanê xo ser. Hukmatê Iraqî nêwazeno şarê ma agêro serê erdanê xo.”

Herboyî bale ante serê halê Êzidîyanê ke nêçarîye ra Şengal ca verdayo û vat, “Cinîyê ke çeteyanê DAÎŞ’î ra ameyê xelesnayene şertanê çetinan de ciwîyenê. Erdê xo ra yenê teberkerdene, sey robotan yenê şuxulnayene. Hukmatê Iraqî û yê Başûrê Kurdistanî seba ke Êzidîyî mehkemeyanê mîyanneteweyîyan de hemverê înan de dewayan nêkerê a û gerreyê înan nêkerê nêwazenê şar agêro Şengal.” 

Herboyî peynîya qiseykerdişê xo de vat, “Ma veng danê şarê xo, agêrê Şengal serê erdê xo. Halê asayîşê Şengalî zaf rind o. YBŞ, YJŞ û Asayîşê Êzidxanî Şengalî pawenê.”