Gerîlayê HPGyî Azad Tolhildanî şehîde Zîlane (Zeynepe Kinaci) yad kerde û vat: ''Aye çalakîya xo bi îradeyêkê pîlî, bawerî û qerardarî kerde. Ma zî ewro koyanê Kurdîstanî de xeta Şehîde Zîlane de têkoşîn kenê.''
Gerîlayê HPGyî Azad Tolhildan serrgêra şehadetê ci de Zîlane (Zeynepe Kinaci) yad kerde û ANFyî rê qala aye kerde.
Gerîla Azad Tolhildanî ard ziwan ke 1996 de dewleta tirke xîret kerd ke vera Rayberê Şarê Kurdî Abdullah Ocalanî suîkast bikera la Zîlane bi çalakîya xo hêrişê dişmenî pûç kerda.
Gerîla Tolhildanî vat: ''Embaze Zîlane çalakîya xo bi îradeyêkê pîlî, bawerî û qerardarîye kerde. Çalakîya aye zaf tesîrê dişmenî kerd. Dişmen şoq bi û astêka cidîye de şikîya. Sere de Zap, Avaşîn û Metîna de ewro koyanê Kurdîstanî de ma xeta fedayîye ya embaze Zîlane de têkoşîn kenê. Ma waranê şerî de sey aye xo ver danê. Ma do bi qerardarî têkoşînê xo rêçê Zîlane, Egîd, Delale Amede de xurtêr bikerê.''
