Hîkayeya cinîyanê ke ma afernayê yena nûştene. Tim vanê Ehl-î heqîqet, ta ke biresê Nînova yan zî Nîrvana. Dima ra şope dima şinê. Û mîyanê kefanê destanê xo ra ma newe ra kenê zergûn û veng danê seserra newî ya ke înan afernaya. Eşq vanê ci ra. Tarîx û bereket vanê ci ra… Dima ra dest bi visnayîşê zincîranê koletîye kenê. Êyê ke xobîyayîşî de israr kenê, eşkenê tarîxê xo zî qebûl bikerê… Ê zanê ke gama cinî sere wedaro welat awan beno, cimat azad beno. Nika ez nê rastîyan ra kewena rayîr û nûsena.

 Di Şorişgêrî Gama Bêrê Têhet Goşê Umîdê Bêpeynîyî de Wanenê

Tîtikanê koyan de bi desan serran ciwîyenê. Ê ke eşkayê qilanê berzan de text ronê, ê perîyê nimiteyî yê lanetbîyayeyî yê serayan ê. Dima ra vanê; hemra, ganî tu çîyêk veng a nêşiro. Wina yo, hewlî û rindîye zî kemî nêkenê. Ê şorişgêran ra di tenî zî doktor Awaze û Newale yê. Vanê ke her roje resayîşê cuye yo, pêresayîşê ci yo. Vanê ke seba hemrayîye her çî yeno kerdene. Ê gerîla yê. Nika ma her roje keda înan a ke înan bi araqê çareyê xo seba hemrayanê xo û mucadeleyê azadîya Kurdistanî daya nûsenê.

Gama ke di şorişgêrî yenê têhet goşê umîdê bêpeynîyî de wanenê. Veng danê koyan, mîrçikan, tîtikan, aşme, şewe… Ê bi hawayêkê ebedîyî rojî dir qisey kenê. Demî dir derdanê xo pare kenê. Ê hemrayê dewa û rayîrî yê. Eke şima doşê xo bidê doşê înan rayîr yeno parekerdene, nan yeno parekerdene, birîne yena parekerdene, umîd û heskerdişê azadîye yenê parekerdene. Her çî yeno parekerdene…

Ê Birînanê Bi Hezaran Gerîlayan rê Bîyî Derman

Di cinîyî, di şorişgêrî… Di doktorî, hîkayeya înan hîkayeya cinîyanê ke şertanê zoran de, Wareyê Pawitişî yê Medya de birînê bi seyan gerîlayan derman kerdê ya. Ê hem gerîla, hem şorişgêr û hem zî averberdoxê nasnameyê mucadeleyî yê. Ê ziwanê koyan ra fam kenê, zanê şer bikerê. Ê, her wareyê cuye de di doktor ê ke sere wedartê. Ê birînanê hemrayanê xo ne vanê roje ne vanê şewe, cayêkê panc metrekareyî de derman kenê, tedawî kenê.

Na hîkaye, hîkayeya kesanê ke tîtikêkê koyî de bi destanê xo cuye afernenê ya. Ê, zanê senî bi eşq û bawerîya bi dewayêk hemverê demî de cehd bikerê, pîya bi ê vazdê, rayîrê xo rê dewam bikerê û bi demî vatişê xo bidê kerdene. Nika ma hîkayeya mucadeleyê di cinîyanê ke Behdînan de, koyanê Kurdistanî de bincew bi bincewe gêrenê, bêhesab û bêqesawet kede danê nûsenê. Ê di gerîlayê Kurd ê. Ê dermanê birînanê hezar gerîlayan ê, bîyê hemra û umîdê bi hezaran gerîlayan pare kenê. Ê cinîyê ke ko û roj ardo dinya, ê gerîlayê pîrozî Awaz û Newala dewayêk ê, koyêk ê…