Gerîlayê HPGyî Herêmanê Pawitişî yê Medya de vera hêrişanê îşxalî yê dewleta tirke xo ver danê. Gerîlayan ANFyî rê qisey kerd û seba geşkerdişê Hemleya Wextê Azadîye venga ciwananê kurdan da ke wa tewrê gerîlayan bibê. 

Serbest Kiçî: Ez verî Rayber Apoyî selam kena. Dewleta tirke ya îşxalkeere vera ma hêrişanê namerdan kena. Ma sey gerîlayanê azadîye zanenê ke vera ney çi keweno milê ma. Wa her kes bizano ke ma do hêzanê komplogeran û dewleta tirke ra hesab bipersê. Eke dewlete reyna hêrişê Herêmanê Pawitişî yê Medya bikerê ma do ey çin bikerê. Roje roja hesabpersayîşî ya. Ma venga ciwanan danê ke wa tewrê gerîlayan bibê, ma pîya dişmenî ra hesab bipersê. Wext wextê şer û azadkerdişê Rayberîye yo.

Koçerîn Koçer: Ez komployê vera Rayberîye şermezar kena. Ma do heta peynî vera komployî şer bikerê. Ma do meverdê komplo ser bikewo. Vera dewleta tirke heta peynî ma do şer bikerê. Çew nêeşkeno îradeyê ma bişikno. Ganî ciwanê kurdî tewrê gerîlayan bibê û nê têkoşînî de cayê xo bigêrê. Ma pîya xo ver bidê, tecrîdê Îmraliyî bişiknê û Rayberîye azad bikerê.

Botan Şeddadê: Rayber Apo 24 serrî yo Îmrali de xoverdayîşêko bêhempa keno. No zî hêvî dano ma. Dewleta îşxalkere seba ke têgêrayîşê azadîye çin bikera wazena kurdan qir bikera. ma vera nê hêrişan xo ver danê û do xo ver bidê. Bi nê hawayî ma do dêsanê Îmraliyî bişiknê û Rayber Apoyî azad bikerê. Armancê ma oyo ke ma Rayberîye reyde biciwîyê. Wextê ci ameyo ke Rayber Apo azad bibo.

Berxwedan Jiyan: Ma sey gerîlayanê azadîye heta ke Rayber Apoyî azad bikerê destê ma ra çi bêro bikerê. Ma armanc kenê ke serra 24. ya komployî de Rayber Apoyî azad bikerê. Bi nê armancî ma têkoşîn de qerardar ê. Ma venga pêro şarê ma, ciwanan danê ka wa tewrê gerîlayan bibê, ma pîya xoverdayîşî geş bikerê, ma Rayber Apoyî azad bikerê û xeyalanê şehîdan bîyarê ca.