Merkezê Îrtîbatî û Çapemenîye yê HPGyî derheqê xîretê îşxalî yê artêşa tirke ya îşxalkere de eşkerayîyêke daye.

Eşkerayîye wina ya:

''Dewleta tirke ya kolonyalîste 23ê nîsana 2021î de vera waranê Zap, Metîna û Avaşînî yê Herêmanê Pawitişî yê Medya hêrişê îşxalî yê giranî dayî destpêkerdene. Hêzanê ma yê gerîlayan vera hêrişan xoverdayîşêko tarîxî kerd û zerarêko pîl da artêşa îşxalkere. Detayê xoverdayîşê tarîxî wina yê:

Metîna

23ê nîsane de mabênê saetanê 18.00-19.00 de artêşa îşxalkere Girê Zendûra pê obusan da bombayan ver. Mabênê saetanê 19.30-20-30 de Girê Zendûra, warê Derar û Koordîne hetê teyarayanê şerî ra, mabênê saetanê 21.30-01.30 de pê kobrayan bi giranî dîyayî bombayan ver. Mabênê saetanê 00.30-01.30 artêşa tirke ya îşxalkere xîret kerd ke warê mabênê Zendûra û Derarî de leşkeranê xo pê Skorskyan bîyara war. Hêzanê ma skoskyî kerdî hedef û îşxalkerî neçarî mendî ke xo apey bigêrê. 24ê nîsane de saete 05.10 de artêşa tirke ya îşxalkere dima ke Girê Zendûra bi giranî da bombayan ver tay leşkerê xo ardî war.

Serê sînorî de qereqolanê artêşa îşxalkere ra Girê Zendûra û Derarî bi giranî dîyayî bombayan ver. Heman roje 23ê nîsane de dewa Beşîlî hetê teyarayanê artêşa tirke ya îşxalkere ra dîyaye bombayan ver.

Hêzanê ma yê gerîlayan vera nê hêrişan xoverdayîşêko pîl kerd û zerarêk nêresa hêzanê ma ser.

Zap

18ê nîsana 2021î de artêşa îşxalkere pê obus, hawan û katyuşyayan waranê Çemço, Sîda, Werxelê û Kunişka ên herêma Zapî ser o bombayî varnayî. 

23ê nîsane de warê Qartaş, Geliyê Basya, Geliyê Avaşîn, Tepê Sor, Mamreşo, Mervanos, Arîs-Faris, Şûkê û warê Dola Konfernasî yê herêma Avaşînî hetê teyarayanê şerî û obusan ra dîyayî bombayan ver.

Saete 21.00 de bombardumanê artêşa tirke ya îşxalkere ra dima leşkerî warê Memreşoyî de ameyî warardene. Hêzanê ma 2 helîkopterê skorskyî yê leşkeran kerdî hedef. Skorskyan derbî werdî û warî ra kewtî dûrî. Hûmara leşkeran ê kişteyan hema nêameye zelalkerdene. Îşxalkeran xîret kerd ke war de ca bibê la di reyî bîyî hedefê hêzanê ma. Çalakîye de îşxalkerêk ame cezakerdene û xeylêk îşxalkerî birîndar bîyî

Îşxalkerê ke waştêne war de aver şorê hetê gerîlayanê ma ra gêrîyayî binê kontrolî û doma ameyî bêtesîrkerdene. Îşxalkeranê ke vînîbîyayîşê înan zaf bîyî qedemeyêkê înan xo apey ant û serê sibayî waşt reyna aver şorê. Îşxalkerî reyna raştê xoverdayîşê gerîlayan ameyî, gerîlayan nêzdî ra da înan ro  û dima reyna qedemeyêkî xo apey ant. Şer de xeylêk îşxalkerî ameyî cezakerdene.

Reyna mudaxeleyê hêzanê ma ra dima helîkopterê kobra yê ke war bombarduman kerdêne neçare mendî ke xo apey bigêrê.

24ê nîsane de saete 09.00 de îşxalkeran reyna waşt aver şorê la hêzanê ma vera înan di çalakîyê sabotajî yê bitesîrî kerdî. Îşxalkeran vînîbîyayîşê pîlî dayî û neçarîye ra xo apey ant.

23ê nîsane de saetanê şewe de artêşa tirke ya îşxalkere Kinyaniş, Boxaza Nêrwe, Qela Bedewê, Girê Şehîd Mûnzûrî yê Zapî de dest pê operasyonî kerd. No operasyon hema zî dewam keno. Agahîyî do rayaumûmîye reyde bêrê parekerdene.

Hêzanê Pawitişê Hasmênî çalakîye kerde

Hêzanê Pawitişê Hasmênî yê Şehîd Delale çarçewa Hemleya 'Wextê Azadîye' de 23ê nîsane de pê wesayîtê hewayî taburê Çelê yê Colemêrgî ser o bombayî varnayî. Hedef bi hawayêkê serkewteyî piro dîya.''