Gerîlayanê Yewinanê Pawitişî yê Rojhelatê Kurdîstanî (YRK) Şahîn Agirî û Tolhildan Çilçemeyî derheqê serrgêra 23. ya Komployê Mîyanneteweyî yê vera Rayberê Şarê Kurdî Abdullah Ocalanî de qisey kerd.

Şahîn Agirîyî vat: ''Roja ke Rayber Apo tepişîya Rojhelatê Kurdîstanî de çalakîyê fedayî ameyî kerdene. 50 kesî nê çalakîyan de şehîd bîyî. Ma hertim têkoşînê vera komployî pîlêr bikerê û peynî de komplo pûç bikerê. Dişmenê şarê kurdî wazenê pê nê komployan rêxistina şarê kurdî çin bikerê. La a raşte fikr û felsefeya Rayber Apoyî înan çin kenê. Ez venga pêro şarê kurdî, cinî û ciwanan dana ke wa wayîrê Serekîye vejîyê, wayîrê nasname û îradeyê xo vejîyê.''

Tolhildan Çilçemeyî vat: ''Şexsê Rayber Apoyî de şarê kurdî yeno tepiştene. Ewro xoverdayîşê Îmraliyî vilayê pêro waran bîyo. A raşte şiknayîşê tecrîdî erkê ciwanan o. Ganî pêro ciwanî seba ney têkoşîn bikerê. Armanco esas ê têkoşînê ma azadkerdişê Rayber Apoyî yo. Vera Komployê Mîyanneteweyî ma do têgêrayîşê azadîye yê Rojhelatê Kurdîstanî xurtêr bikerê û bi nê hawayî têkoşîn bikerê.''