Vervatoxa Têgêrayîşê Azadîya Cinîyan ê Êzidîyan (TAJÊ) Sabîha Sebrî derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

Sebîha Sebrî vist vîrî ke gerîlayanê Apogîran pê felsefeya Abdullah Ocalanî wextê fermanê DAÎŞî de êzidîyî pawitî, fedakarî kerdî û vat: ''Ma o çax têgerayîşê Apogîran şinasna û ma perwerê ci bîyî. Bi felsefeya Rayber Apoyî cinîyan ê êzidîyan xo şinasna û weriştê payan ser, çeke girewte xo dest û nika hê xo pawenê. Xêrê Rayber Apoyî û gerîlayanê ci ra cinîyê êzidîyî newe ra dadî ra bîyî. Sey komelê êzidîyan ma deyndarê Rayberîye yê. Coka anî ma wayîrê felsefeya Rayber Apoyî vejîyê û azadîya ci bîyarê ca. Wexto ke ma seba Rayberîye çalakîye kenê dewleta Iraqî ma ver vejîyena, nêwazena ma fotografanê Rayberîye abikerê. Înan xo vîr a kerd ke Apogîran rûmetê înan zî vera DAÎŞî pawito.''

Sebîha Sebrî ard ziwan ke her ke fikrê Ocalanî vila benê hêrişê vera PKKyî zêdîyenê. Sebîha vat: ''PKK domanê nê şarî yê. Ganî her kes wayîrê PKK û Rayber Apoyî vejîyo. Wayîrvejîyayîşê Rayber Apoyî wayîrvejîyayîşê merdimîye yo. Rayber Apo rêna seba kurdan nê seba pêro merdiman xo ver dano. Tepiştişê Rayber Apoyî çîyo normal nîyo. Ganî kes ney qebul nêkero. Sey komelê êzidîyan ma qetî serra 2014î xo vîr a nêkenê û wayîrê felsefeya Rayber Apoyî vejîyenê. Wexto ke Rayber Apo azad bi şerê Rojhelatê Mîyanênî do biqedê. Coka ganî her kes tewrê kampanyaya Ocalanî rê Azadîye bibo.''