Endama Hêzê Cinîyan ê Rojhelatê Kurdîstanî (HJRK) Vîyane Rojhilat bi wesîleya serrgêra 23. ya Komployê Mîyanneteweyî yê 15ê Sibate ANFyî rê qisey kerd.

Vîyane Rojhilat pare kerd ke hêzanê komplogeran waşt ke şexsê Rayberê Şarê Kurdî Abdullah Ocalanî de pêro şarê kurdî û merdimîye dekerê zîndanî û vat: ''Ma nê komployî şermezar kenê. Ganî pêro parçeyê Kurdîstanî wayîrê Rayberîye vejîyê. Rayberîye têna rayberîya kurdan nê rayberîya pêro her kesî ya. Komplogerî wazenê şexsê Rayber Apoyî de pêro cinîyan çin bikerê. Seba ney zî bi taybetî ganî cinîyî wayîrê Rayberîye vejîyê. Senî wextê komployî de ciwanê Rojhelatê Kurdîstanî wayîrê Rayberîye vejîyayî ganî reyna wina wayîrê ci vejîyê û na serre bikerê serra azadîya Rayber Apoyî.

Rayber Apoyî tewr zaf babeta azadîya cinîyan de têkoşîn kerd. Rixmo ke mîyanê dêsan de bi ey na babete de reyna têkoşîn kerd. Coka ganî cinîyî wayîrê ci vejîyê. Ez venga pêro cinîyanê Rojhelatê Kurdîstanî dana ke wayîrê Rayber Apoyî vejîyê. Coka xo rêxistin bikerê, sîstemê Îranî ra biremê, tewrê gerîlayan bê, mîyanê PJAKî de ca bigêrê.Tewrbîyayîşê şima do bibo cewabê vera komployî.''