Komêke bi nameyê Yewîya Qesasî ya Şehîd Savaşî pare kerd ke seba ke Kurdîstan de qirkerdişê îşxalkarîya Dewleta Tirkan protesto bikê 14 cayan de çalakîyî kerdî.

Derheqê çalakîyan de nê zanayîşî ameyî dayene:

"17ê Êlule, taxa Şabanîye ya Artemêtan a Wanî de trafîk ame girewtene.

23ê Êlule, taxa Sihke ya Rayîrê Ermûşî ya Wanî de wexto ke tren derbas bîyêne, bi bombaya destviraşteye çalakîyêke ameye kerdene, zîyanêk resayo tren û tren wextêk vindert.

3ê teşrîna peyêne, kuçeyê Edremîya Verêne ya qezaya Artemêtan de keyeyê qoricîyê bi nameyê F.Ç. ame veşnayene.

3ê teşrîna peyêne, yewîyanê ma taxa Cevdet Paşa ya Artemêtan de eşt xirbe ser ke tede madeyê kungkerdoxî virazîyayêne û roşîyayêne, û derb da nê kêsan ro ke înan madeyê kungkerdoxî rotêne.

11ê teşrîna peyêne, taxa Şafakî ya Artemêtan de yewîyanê ma lastîk veşna û rayîr girewt. Wexto ke dişmenî ameyî çalakîya bomba û fîşekî ameye kerdene.

12ê teşrîna peyêne, taxa Xaçortê ya Artemêtan de verba dişmenî çalakîya bomba û fîşekê hewayî ameye kerdene.

14ê teşrîna peyêne, taxa Yenî ya Artemêtan de lastîk ame veşnayene û rayîr ame girewtene, verba dişmenî çalakîya bomba û fîşekê hewayî ameye kerdene.

17ê teşrîna verêne, taxa Yenî ya Artemêtan, Şafakî, Duzyolî û Gundogdu de çalakîya fîşekê hewayî ameye kerdene û rayîrî ameyî girewtene.

19ê teşrîna peyêne, Sihke ya Rayîrê Ermûşî de yewînîyanê ma bombaya destviraşte eşte dişmenan.

20ê Teşrîna Verêne, taxa Yenî ya Artemêtan de verba keyeyê qorucîyêkî çalakîya fîşekê hewayî ameye kerdene.

23ê teşrîna peyêne, taxa Yenî ya Rayîrê Ermûşî de rayîr ame girewtene û propaganda ame kerdene.

24ê teşrîna verêne, taxa Sihke ya Rayîrê Ermûşî de verba konvoya dişmenî ya ke pawitişê trenî kerdêne ke tren de turîstê Îranijî û leşkerî bîyî, çalakîyêka bomba ameye kerdene, kişte û bîrîndarê trenî eşkera nêbîy, tren wextêk nêxebitîya.

25ê teşrîna peyêne, taxa Cevdetî ya Rayîrê Ermûşî de verba keyeyêkê bi nameyê Sari Ev çalakîyêke ameye kerdene ke keye de madeyê kungkerdoxî virazîyayêne.

27ê teşrîna peyêne, taxa Şabanîye ya Artemêtan de verba keyeyêkî çalakîya bombaya destviraşte ameye kerdene ke no keye AKPyî reyde têgêrayayêne û xizmetê dişmenî kerdêne."