Grevê vêşanîye yê Wanî  2 rojî raver biagêrayîşî dest pêkerd. Gruba dîyine dest bi grevê vêşanîye kerd. Bi na wesîle rêxistina qeza ya Artemêtanî ya HDP'yî de eşkerayîyêka çapemenîye ameye dayene.

Ferdî Sertkalî bi nameyê gruba dîyine, ke 10 kesan ra yena pê, qisey kerd û ard vîrî ke rewşa Leyla Guvene, Nasir Yagizî, çalakwananê grevê vêşanîye yê zîndan û Ewropa krîtîk a. Sertkalî vat merdimê wayîrê wijdanî ganî bêveng nêmanê û tecrîd sûcêkê vera merdimîye yo. Sertkalî da zanayene ke tecrîd teyna serê Ocalanî de ney, serê heme şaranê dinya û bindestan de yeno kerdene û ê do vera tecrîdî bêveng nêmanê û va “ Waştişê Leyla Guvene waştişê ma yê, waştişê heme şarê Kurdan û şaranê bindestan ê. Biciwîyo xoverdayîşê Leyla.”Qiseykerdişan ra dima gruba dîyine dest bi grevê vêşanîye yê 3 rojan kerd.