Hemsereka Partîya Cuya Azade ya Kurdîstanî (PJAK) Zîlane Vejîn bi wesîleya serrgêra Komployê Mîyanneteweyî yê vera Rayberê Şarê Kurdî Abdullah Ocalanî ANFyî rê qisey kerd.

Qiseykerdişê Zîlena Vejîn bi kilmî wina yo:

''Şarê Rojhelatê Kurdîstanî vera komployî tewirêko radîkal mojna û wayîrê Rayberîye vejîya. Rayberîye bi kede, têkoşîn û xoverdayîşê xo pêro Kurdîstan de şinasîyayeno û yeno qebulkerdene. Coka wexto ke o tepişîya bi mîlyonan merdimî wayîrê ci vejîyayî. Amebi plankerdene ke komplo safha bi safha bêro kerdene. Hîrê sebebê bingeyîy estê ke verê serkewtişê komployî de bîyî asteng:

-Rayberîye bi tewir û xoverdayîşê xo, pê projeyanê xo yê haştî û demokrasî verê komployî girewt.

-Şarê ma bi tewirêkê xurtî wayîrê Rayberîye vejîya û komplo pûç kerd.

-Gerîlayan Kurdîstan de bi têkoşînê xo û bi xoverdayîşê xo nêverda ke komplo ser bikewo.

Rayberîye 23 serrî yo binê tecrîdî de yo. No seba ma pêroyînan cayê rexnedayîşî yo. Pûçkerdişê plananê dişmenî û qedînayîşê tecrîdî pabesteyê têkoşînê ma yo. Eke ma têkoşînê xo pîlêr bikerê û bieşkê felsefeya Rayberîye bivisnê dewre, hînî dişmen do qetî nêreso armancê xo. Şarê ma yê Rojhelatî zî wayîrê Hemleya seba azadîya Rayberîye vejîya. Ganî ma na hemle xurtêr bikerê. Şarê ma yê Rojhelatî tewiro ke 1999 de vera komployî mojnabi wa ancî bimojno.

Wayîrvejîyayîşê Rayberîye wayîrvejîyayîşê îrade, azadî û heqanê xo yo. Rayberîye 23 serrî yo binê tecrîdî de yo la xo ver dano. Hêrişê vera Rayberîye hêrişê vera pêro kurdan o. Şarê ma rayberîya cinî û ciwanan de eşkena hêrişan çin bikera. Coka ganî her şaristan de, her taxe de cinî û ciwanî xo rêxistin bikerê û tewrê hemle bibê.Serra 24. ya komployî de ganî ma bieşkê azadîya Rayberîye bîyarê ca. Seba caardişê azadîya Rayberîye zî ganî ma bi ruhê seferberîye bixebitê û têkoşîn bikerê.''