Amed de vizêr merdimanê tepişteyan yê ke semedê wedartişê tecrîdê serê Ocalanî grevê vêşanîye de yê, Baroya Amedî de dest bi grevê vêşanîye yê 3 rojan kerd. Wekîl û hemşaredarê Partîya Şaran a Demokratîke (HDP)  ewro şîyê serdana merdimanê xoverdayoxan.

Parlamenterê HDP‘yî Mûsa Farîsogullarîyî  bale ante muhîmîya grevê vêşanîye ser, vist vîrî ke xoverdayoxan ra zafî rewna merhaleya krîtîke de yê û va, ‘‘Rewşa qijanê înan giran a. Coka ê zî nêeşkenê nan biwerê . Dayîkî wazenê ke waştişê qijanê înan bêrê ca. La herinda naye de êye ke zîndan de grevê vêşanîye de yê înan rê zext yeno kerdene. Rixmê rewşa înan a xidare tepişteyê hucreyanê yewkesîye de yenê cakerdene. Hukmat ganî cade goş bidê çalakwananê grevê vêşanîye û waştişanê înan bica biyaro.‘‘