Merkezê Çapemenî û Îrtîbatî yê HPG'yî bi eşkerayîya nuştekîye derheqê çalakîyanê gerîlayan û hêrişê artêşa Tirkî de zanayîş da.

Besta de Pêkewtiş

Eşkerayîye de ca dîya nînan: '' Artêşa Tirkî ya îşxalkare 28'ê Temmuze de bi paştdayîşê yewîyanê nimiteyan  mintiqaya Çelê Sorî ya herêma Sehrîbane ya pabesteya Bestaya Şirnexî de dest bi operasyon kerd. Heman roje mabênê hêzanê ma û îşxalkaran de pêkewtiş vejîya. Pêkewtişo ke xeylî eskerî merdî û birîndar bîyî de 2 embazê ma yê ke bi qehremankî şer kerdêne şehîd bîyî. Nasnameyê embazanê ma do rayapêroyî dir bêrê parekerdene. Operasyon saetanê şanî de peyser ancîya. 27’ê  Temmuze de artêşa Tirkî mabênê dewanê Germik û Zêtka yê qezaya Silopî ya Şirnexî de dest bi operasyonêk kerd û  operasyon roja bîne  destveng peyser ame antene. Medyaya Tirkî xeberê zûrî servîs kerdî û vat vînîbîyayeyê ma estî la nê operasyonî de vînîbîyayeyê ma çîn ê. 31’ê Temmuze (ewro) teyarenê şerî yê artêşa Tirkî herêmanê Wareyê Pawitişî yê Medya ra Zap de herêma Kûnişka û Qilê Bahare yo ke Gundê Filleha de yo bombardûman kerdî. Bombardûmanan de vînîbîyayeyê ma çîn ê.