Pîyê Mesût Yaşasino ke Zîndanê Xarpêtî de yo Mahsûn Yaşasinî da zanayene ke lajê ey û embazê ci hetê gardîyanan ra ameyî derbkerdene û asayîşê qijanê înan çîn o.

Mahsûn Yaşasino ke Zîndanê Xarpêtî de Lajê xo Mesût Yaşasinî de qisey kerdo derheqê zextê zîndanî de nê vatî: “Di hewteyî cuwa ver binê nameyê kontrolî de gardîyanan  şîyê odaya tepişteyêko hucreya yewkesîye de manano û o derb kerdo. Vera naye heme tepişteyan dozgerîya zîndanî rê pêhesanayîşê sucî kerdo.  Seba ke embazanê înan reaksîyon dayo, 3 tepişteyê bînî zî ameyî derbkerdene û ê ke vera garîdyanan vejîyayî, derheqê înan de cipersayîş ameyo  destpêkerdene. Tepişteyan ard ziwan ke înan ser o îşkenceyo sîstematîk esto, asayîşê weşîya înan çîn o û veng da rayapêroyî ke vengê înan o ke peynîya dêsan ra nêno eşnawetene bidê eşnawetene û înan teyna nêverdê.’’