Dewleta tirke ya îşxalkere bi paştdayîşê PDKyî vera Başûrê Kurdîstanî hêrişê îşxalî kena. Xeylêk eşîranê Iraqî vera îşxalî herêsê xo ard ziwan û da zanayene ke ê paştî danê PKKyî.

Eşîran bale ante ser dewleta tirke bi îdîayanê bêesilan wazena herême biaçarne herêma leşkerî û şarî tehdît kena.

Goreyê xebera Roj Newsî eşekrayîye de ca dîya nînan: ''Ma zanê ke PKK vera DAÎŞî şer keno û dewleta tirke paştî dana DAÎŞî. Dewleta tirke sere de kurdî vera heme şaranê Iraqî hêriş kena ke herême îşxal bikero.

PDK zî dewleta tirke reyde hemkarîye keno, hukmatê Bexdadî zî bêveng o. Nê semedî ra dewleta tirke hêrişanê xo zêdînena.

Ma sey rayberê eşîran û şeyxanê Iraqî nê hêrişan şermezar kenê û veng danê komelê mîyanneteweyî, hukmat û parlamentoyê Îraqî ke wa vera nê hêrişan berpirsîyarîya xo ya ehleqî û huqûqî bîyarê ca û hêrişanê dewleta tirke vindarnê.

Ganî semedê vindarnayîşê hêrişanê vera şar û erdê ma tedbîrê ke hewce kenê bêrê girewtene. Ma hazirê ke Iraqî bipawê. Dewleta tirke wazena demografîya Iraqî bibedilno û çimeyanê Iraqî talan bikero.

Ma cayê şarê xo yê Herêma Kurdîstanî û Iraqî de yê, ma îşxalê dewleta tirke red kenê. Ma reyna vanê ke heme karê dewleta tirke sûç ê.''

Nameyê kesanê ke morê xo da binê eşkerayîye ro wina yê:

Şêx Teklif el-Ebd Elî Cibûr: Şêxê eşîra Cibûrî

Seyîd Ehmed Elewî Heyderî: Şêx eşîra Sedat Heyderî

Seyîd Nazim Şerîfî: Şêxê eşîra Sedat Şerfa li Firatê Navîn

Şêx Malik Casim Îfarî: Şêxê eşîra Îfarî li Firatê Navîn

Seyîd Xezalî Atiya Mûsewî li Dîwaniyê

Şêx Zahir Kazim Marhûn: Şêxê Giştî yê eşîra Kerît

Şêx Cemal Ferîd Hemîdayî: Şêxê Giştî yê eşîra Hemîdatê

Şêx Emîr Musana Hesnewî: Şêxê giştî yê eşîra Benî Hesen

Şêx Mohan Emîrê Al Atiyah: Şêxê Giştî yê eşîra El Şibl

Seyîd Huseyîn Berekat Şamî: Şêxê giştî yê eşîra Sedat Gawalb

Şêx Mutaîb Mihemed Şemerî: Şêxê eşîrên Şemer li Firata Navîn

Şêx Mihemed Evdil Emîr Şalan Kerawî: Şêx giştî yê eşîrên Akra

Şêx Raad Huseyîn Xefacî: Şêxê eşîra Xefaciyan li Necefê

Şêx Xalid Cehl Natur: Şêxê binemala Şebal a Dîwaniyê ye

Seyîd Hemîd Merzûq Abadî: Şêxê giştî yê Awabdî